АҞӘА, ԥхынгәы 19 — Sputnik. Урыстәыла аихамҩатә еилахәыра аԥхасҭа аҭоуп миллион мааҭ рҟынӡа. Аболельшьчикцәа сувенир ҳасабла ацәарҭамаҭәа, асаан, аҵәца зҳәаз еиԥш иргаз рацәоуп иҳәеит Урыстәылатәи аихамҩақәа рбизнес-блок "Пассажирские перевозки" анапхгара Адепартамент аиҳабы Павел Бурцев, ҳәа аанацҳауеит Р-Спорт.
"Идыру акоуп асеиԥшқәа абжьааԥынгьы аҭыԥ шрымоу, аха ҳара ҳаилахәыра ацәыӡ, ахашәала уҳәа зегьы ианахәҭоу ишахәҭоу иҭанаҩуеит. Ҳара зегьы азыԥхьагәаҳҭоит. Имҩаԥаагаз агәаҭарақәа ишьақәдыргылеит аилахәыра миллионк аҟынӡа аԥхасҭа шаиуз", — иҳәеит Бурцев абрифинг аҿы, аԥшьашаҽны.
Аихамҩа аусзуҩцәа рдәыӷбақәа рҟны ахархәара зырҭо аиарҭаларшәқәа аплакатқәа шрылхыз телербагалагьы ианырбоз ыҟан.
"Аиҳарак асеиԥш аҭыԥ рыман хәыда-ԥсадатәи амҩангарақәа раан. Ҳара усҟан иҳауит агәаанагара ауаа хәыда-ԥсада ирырҭаз дара иртәны ирыԥхьаӡеит ҳәа" — иҳәеит Бурцев.
