АҞӘА, нанҳәа 3 – Sputnik. Ернест Миллер Хемингуеи – америкатәи ашәҟәыҩҩы, ажурналист, Нобель иаԥхьахә алауреат, уаанӡа адунеи зымбацыз иажәабжь, 1956 шықәса рзы ииҩыз, хара имгакәа иҭрыжьраны иҟоуп Еиду Америкатәи аштатқәа рҟны. Абри атәы аанацҳауеит ажурнал Strand Magazine, ҳәа адырра ҟанаҵоит РИА Новости.
"Ҳжурнал 55-тәи аномер аҿы ҳара гәахәара дула аԥхьаҩцәа ирыдаагалоит уаанӡа икьыԥхьымыз Ернест Хемингуеи иажәабжь "A Room on the Garden Side" (Абаҳчахь иԥшуа ауада), — ҳәа аҳәоит ажурнал асаит.
Ажәабжь ҩын 1956 шықәса рзы, Аҩбатәи адунеизегьтәи аибашьра аамҭа аанарԥшуеит.
Амаҵзура иазгәанаҭоит 1956 шықәса рзы Хемингуеи аҭыжьҩы ишиаиҳәахьаз, аибашьра иазкны ажәабжьқәа хәба хианы ишимоу. Урҭ рҟынтәи иахьа уажәраанӡа акгьы кьыԥхьым.
Хемингуеи ироманқәа "По ком звонит колокол", "Прощай оружие!", "Старик и море", адунеи абызшәақәа жәпакы рахь еиҭагоуп, адунеитә литература иашедеврны иԥхьаӡоуп.
