Москватәи агроааглыхратә цәыргақәҵаҟны Аԥснытәи аалыҵ ӡыргахоит

© Фото : Виктория Какалиа Сельскохозяйственная продукция из Абхазии на выставке "Региональные ярмарки" в Белгороде
Сельскохозяйственная продукция из Абхазии на выставке Региональные ярмарки в Белгороде - Sputnik Аҧсны
Анапаҵаҩра
Yandex newsTelegram
Урыстәылатәи агроааглыхратә цәыргақәҵа "Ихьыԥшшәылоу ҭагалан" ("Золотая осень-2018") аатуеит Москва, жьҭаара 10 - 13 рзы.

АҞӘА, нанҳәа 17– Sputnik. Урыстәылатәи Афедерациаҿы иҟоу Аԥсны ахәаахәҭратә хаҭарнак Олег Барцыц Sputnik аинтервиу анеиҭоз иҳәеит москватәи агроааглыхратә цәыргақәҵаҿ Аԥснытәи аалыҵ аԥхьахәқәа анашьахап ҳәа дышгәыӷуа.

Сельскохозяйственная продукция из Абхазии на выставке Региональные ярмарки в Белгороде - Sputnik Аҧсны
Барцыц: аалыҵ ԥаршеиқәа ахарџь роуа иалагеит

Урыстәылатәи агроааглыхратә цәыргақәҵа "Ихьыԥшшәылоу ҭагалан" ("Золотая осень-2018") аатуеит Москва, жьҭаара 10 — 13 рзы.

"Ҳара ҳаалыҵ ҳацәыԥхашьо иҟаӡам. Ацәыргақәҵа ҳалахәуижьҭеи Аԥсны еицырдыруа ахы аанарԥшит. Ареспублика изныкымкәа гран-при, еиуеиԥшым амедақәа анаршьахьеит", — иҳәеит иара.

Ахәаахәҭратә хаҭарнак иажәақәа рыла аԥсуа тауарқәа рыхкы сынтәа иҭбаахоит уаанӡа аасҭа.

"Зны-зынла ааглыхыҩцәа рышьшьылаҳара аҭыԥ амоуп. Иҟоуп заалыҵ уахь иназгаз, аха уа иахәҭаны иҟоу аусқәа рыҟаҵара зҭахым. Ус иҟалом. Ацәыргақәҵахь инагоу аалыҵ ишахәҭоу еиԥшгьы иӡыргатәуп", — иҳәеит Барцыц.

Олег Барцыц дақәгәыӷуеит Аԥсны егьырҭ ацәыргақәҵа алахәылацәа ирылаӡҩарым ҳәа.

"Асеиԥш иҟоу афорум ду аҿы аԥышәа ҳамоуп. Иҳагқәоу ыҟазаргьы ҳаицырдыруеит ҳаалыҵқәа рхаҭабзиарақәа рыла", — иҳәоит иара.

Сынтәа аҳәаанырцә ахаҭарнакцәагьы рацәаҩхараны иҟоуп ацәыргақәҵаҿы.

"Урыстәыла арегионқәа реиԥш ҩеижәа инареиҳаны аҳәаанырцәтәи атәылақәа адыԥхьалоуп. Рыҩаӡарагьы акыр иҳаракуп. Иаҳҳәап иапониа еиԥшу атәылақәа раалыҵ акраҵанакуаны иҟоуп", — ҳәа ациҵеит иара.

Ахәаахәҭратә хаҭарнакра шықәсыки бжаки иназынаԥшуа аусурақәа мҩаԥнагон аԥсуа ааглыхыҩцәа рахь аинтерес аҟаҵаразы. Ҷыдала ацхааглыхрахь.

"Ацха ааглыхра знапы алаку раалыҵ апозициа иаша ааннакылап ҳәа агәыӷра ыҟоуп", — иҳәеит иара.

Беслан Барциц - Sputnik Аҧсны
Барцыц очамчыратәи анаплакқәа рзы: ҩышықәса рыҩныҵҟа 400 миллион мааҭ рзоужьуп

Ацәыргақәҵа иалахәхоит зхы бзианы иаазырԥшхьо ҳааглыхыҩцәа.

"Аҩызауад, ауарашзауад уҳәа 15-16 рҟынӡа егьырҭ ҳаилахәырақәа бзианы ирдыруеит", — ҳәа еиҭеиҳәоит Олег Барцыц.

Аԥсны Аԥыза-министр Геннади Гагәылиа ақәҵара инапы аҵеиҩит аԥснытәи аделегациа агроааглыхратә цәыргақәҵа иалахарц азы аусутә гәыԥ аԥҵаразы ҳәа аанацҳауеит Аминистрцәа реилазаара асаит.

Урыстәылатәи агроааглыхратә цәыргақәҵа "Ихьыԥшшәылоу ҭагалан" ("Золотая осень-2018") аатуеит Москва, жьҭаара 10 — 13 рзы.

Ацәыргақәҵа еиҿнакаауеит Урыстәылатәи Афедерациа ақыҭанхамҩа аминистрра. Аԥснытәи анаплакқәа ари ауснагӡатә бжьынтәуп иалахәхоижьҭеи.

Ажәабжьқәа зегьы
0