АҞӘА, нанҳәа 29— Sputnik. ООН Шьамтәыла аиҭашьақәыргылара аус аҟны ишьшьылаҳауп ҳәа ахиҳәааит ООН иҟоу Урыстәыла Ахаҭарнак Васили Небензиа ҳәа аанацҳауеит РИА Новости.
"Шьамтәылаа рыҩнқәа рхыларазы ароль ду аманы иҟоуп ООН, аиҳаракгьы ахҵәацәа рус азы Иреиҳаӡоу акомиссар иусбарҭа", — ҳәа иҳәоит иара.
Небензиа иажәақәа рыла ООН амаӡаныҟәгарҭа аҩныҵҟатә директива ииасыз ашықәс азы аус аднаулеит аполитикатә зҵаарақәа рзы адепартамент, атәыла-лахәылацәа рконсультациақәа рыда.
Васили Небензиа иара убасгьы ахҳәаа аиҭеит шьамтәылатәи Идлиб аҿы аҭагылазаашьа.
"Шьамтәыла ар ахимиатә бџьар рымаӡам. Уи ахархәарагьы рыгәҭакӡам. Избанзар иахәҭаны иҟам", — иҳәеит иара.
Уаанӡа Урыстәыла атәылахьчара аминистрра аофициалтә хаҭарнак аинрал-маиор Игор Конашенков аҳәамҭа ҟаиҵахьан атеррористтә гәыԥқәа "Хайат Тахрир Аш-Шам" Дамаск ахара ахараҵахарц апровакациақәа еиҿнакаауеит ҳәа апровинциа Идлиб аҿы.
