АҞӘА, нанҳәа 29 — Sputnik. Урыстәыла Ахада Владимир Путин азинмчратә усбарҭақәа рҟынтәи 15-ҩык аинралцәа рмаҵурақәа ирымихит ҳәа аанацҳауеит РИА Новости.
Змаҵура иамху иреиуоуп: Томсктәи аобласт ГУМЧС аиҳабы Михаил Бегун, Саратовтәи аобласт ГУМВД аиҳабы ихаҭыԥуаҩ Андреи Боико, Коми УФСИН аиҳабы Игор Ванеев, Улиановсктәи аобласт УМВД аиҳабы Иури Варченко, Аладатәи арратә округ СК арра-шьаусҭҵааратә еилакы ахантәаҩы актәи ихаҭыԥуаҩ Дмитри Васильев, Мурмансктәи аобласт ГУМЧС аиҳабы Владимир Гусев, Сахалинтәи аобласт ГУМЧС аиҳабы Денис Ильинов, Кемеровсктәи аобласт СУСК анапхгаҩы Сергеи Калинкин, Кемеровтәи аобласт ГУМВД аиҳабы ихаҭыԥуаҩ Игорь Коршунов, Омсктәи аобласт УФСИН аиҳабы Сергеи Кориучин.
Иара убасгьы рхы иақәиҭтәуп: Бриансктәи аобласт УМВД аиҳабы Валентин Кузьмин, Урыстәыла аҩныҵҟатәи аусқәа рминистрра атехнологиеи аимадареи рдепартамент аиҳабы Сергеи Лиашенко, Волгоградтәи аобласт УФСИН аиҳабы Павел Радченко, Урыстәыла ААР аиқәшаҳаҭра-зинтә департамент аиҳабы ихаҭыԥуаҩ Геннади Спирин, Нижегородтәи аобласт ГУМВД аиҳабы ихаҭыԥуаҩ Григори Ткаченко, Урыстәыла АҶА аиҳабы ихаҭыԥуаҩ Владлен Аксенов.
