Рауль Ҳаџьымба официалтә ныҟәарала Шьамтәыла даҭааит

© Фото : пресс-служба президента АбхазииРауль Ҳаџьымба официалтә визитла Шьамтәылаҟа даҭааит
Рауль Ҳаџьымба официалтә визитла Шьамтәылаҟа даҭааит - Sputnik Аҧсны
Анапаҵаҩра
Yandex newsTelegram
Аԥсны Ахада Рауль Ҳаџьымбеи Шьамтәылатәи Арабтә республика Ахада Башар Асади реиԥылараан ирылацәажәараны иҟоуп ҩ-ганктәи аусеицура азҵаарақәа.

АҞӘА, цәыббра 4 – Sputnik. Рауль Ҳаџьымба официалтә ныҟәарала Шьамтәылаҟа дцеит. Аԥсны Ахада Рауль Ҳаџьымбеи Шьамтәылатәи Арабтә республика Ахада Башар Асади реиԥылараан ирылацәажәараны иҟоуп ҩ-ганктәи аусеицура азҵаарақәа ҳәа адырра ҟалҵеит Ахада ипресс-маӡаныҟәгаҩ Наала Аҩӡԥҳа.

Аԥсны Ахада аҳаиртә баӷәазаҿы диԥылеит Шьамтәыла Адәныҟатәи аусқәа рминистр Валид аль-Муаллем.

Рауль Хаджимба на торжественном заседании к 25-летию МИД Абхазии в Кабинете Министров 17 мая - Sputnik Аҧсны
Аԥсны Ахада Шьамтәылаҟа ицара иалацәажәоит

Аԥсны Ахада Рауль Ҳаџьымбеи Шьамтәылатәи Арабтә республика Ахада Башар Асади реиԥылараан ирылацәажәараны иҟоуп ҩ-ганктәи аусеицура азҵаарақәа иара убасгьы аԥсны-шьамтәылатәи аизыҟазаашьақәа рыҿиашьа.

Аԥснытәи аделегациа иалахәуп: Аԥыза-министр Геннади Гагәылиа, Ахада иусбарҭа анапхгаҩы Беслан Барцыц, Ашәарҭадаратә хеилак амаӡаныҟәгаҩ Муҳамед Кьылба, Адәныҟатәи аусқәа рминистр Даур Ақаҩба, Атәылахьчара аминистр Мераб Кьышьмариа, Аекономика аминистр Адгәыр Арӡынба.

Иазыԥхьагәаҭоуп Аԥсни Шьамтәылеи рыбжьара аиҩызареи аусеицуреи рзы Аиқәшаҳаҭра анапаҵаҩра.

Иара убасгьы напы рыҵаҩхоит аиҳабырабжьаратә еиқәшаҳаҭрақәа.

Ажәабжьқәа зегьы
0