Нанба Гагәлиа изкны: игәы иҭаз рацәан, Анцәа ицимҳәеит акәымзар
"Аԥсҭазаараҿы даара дуаҩԥсы наган, ииҳәо уазыӡырҩны, ухы иаурхәаратәы аҳәашьа идыруан. Убри азоуп иахьа Аԥсны Ахәаахәҭра-ааглыхратә палатаҿы аус зуа аҿаргьы ас ргәы дзалсыз. Абри аиҳабырахь уажәраанӡагьы дааргаргьы бзиахон, аԥышәа ду змаз иакәын, игәы иҭаз рацәан, аха Анцәа ицимҳәеит. Геннадии Гагәылиа анхаҩы ззуҳәоз иакәын, анхара-ачашәара атәы здыруаз иакәын", — ҳәа азгәеиҭеит Нанба.
Аԥсны аԥыза-министр Геннади Гагәылиа амҩатә машәыр аҟны дҭахеит цәыббрамза 8 рзы, асабша ауха, Шәачатәи аҳаирбаӷәазантә Аҟәаҟа аиҳабыра рмашьынақәа еишьҭагыланы амҩа ишаныз. Аԥсны аԥыза-министр Геннади Гагәлиа иԥсҭазаара далҵит 71 шықәса дшырҭагылаз.
