Аԥсны Адәныҟатәи аусқәа рминистрраҿы Женеватәи аформат иалацәажәеит

© Sputnik / Бадрак АвидзбаВстреча Министра иностранных дел Республики Абхазия Даура Кове с Сопредседателями Женевских дискуссий по безопасности и стабильности в Закавказье
Встреча Министра иностранных дел Республики Абхазия Даура Кове с Сопредседателями Женевских дискуссий по безопасности и стабильности в Закавказье - Sputnik Аҧсны
Анапаҵаҩра
НовостиTelegram
Изаамҭанытәиу 45-тәи Женеватәи аиҿцәажәарақәа рраунд мҩаԥысраны иҟоуп жьҭаара 19-20 рзы.

АҞӘА, цәыббра 20 – Sputnik, Бадраҟ Аҩӡба. Қырҭтәыла аполитикатә амбициақәа зегь рхадараҿы иаргылоит убри алагьы Женеватәи аиҿцәажәарақәа ԥхьаҟатәи рымҩаԥгара аҟазаареи-аҟамзаареи ирыбжьаргыланы иҳәеит Аԥсны адәныҟатәи аусқәа рминистр Даур Ақаҩба Женеватәи аиҿцәажәарақәа рыцхантәаҩцәа рԥылараан, цәыббра 20 рзы.

Даур Ақаҩба идикылеит Женеватәи аиҿцәажәарақәа рлахәылацәа ҿыцқәа—ООН ахаҭарнак Џьихан Султаноглуи ОБСЕ ахаҭарнак ҷыда Рудольф Мичалкеи.

"Сара исҭахын шәазхьасырԥшырц ақырҭуа напхгара рхымҩаԥгашьа. Уи Женеватәи аиҿцәажәарақәа анырра бааԥс рынаҭоит. Агәҭынчымра ҳазцәырнагоит ақырҭуа ган "Отхозория-Татунашьвили" рус иадҳәаланы апроцесс амҩаԥгара шрыгәҭаку", — иҳәеит иара.

Асиа "Отхозория-Татунашьвили" Қырҭтәыла инадҳәаланы аԥсуа ган Гал ақалақь аҿы имҩаԥырго аинцидентқәа раԥырҟәҟәааразы амеханизм (МПРИ) изаамҭанытәиу араунд ааннакылар акәхеит.

Встреча с Сопредседателями Женевских Дискуссий - Sputnik Аҧсны
Женеватәи аиҿцәажәарақәа ирылацәажәан Аминистрцәа Реилазаараҟны

"Ҳара ари аформат аусура ҳшадгылаҩцәоу азы изныкымкәа аҳәамҭа ҟаҳҵахьеит. Ақырҭуа ган иазнархиаз асиа "Отхозория-Татунашьвили" аҿы иарбаз Аахыҵ Уаԥстәыла ҩыџьа атәылауаа Интерпол ала рыԥшаара иаҿуп. Ҳара аамҭала Галтәи аиԥыларақәа аанаҳкылоит", — иҳәеит аминистр.

Аахыҵ Кавказ азҵаарақәа рзы Евроеидгыла ахаҭарнак Тоиво Клаар ацхантәаҩцәа зегь рыхьӡала аԥсуа жәлар дрыдышшылеит аԥыза-министр Геннади Гагәылиа иҭахара инадҳәаланы.

Уи ашьҭахь иара иазгәеиҭеит:

"Женеватәи аиҿцәажәарақәеи МПРИ аформати аҵак ду рыманы иҟоуп Евроеидгылеиԥш ООН, ОБСЕ рызгьы. Ҳара ҳзы акраанагоит урҭ ишахәҭоу еиԥш русура", — иҳәеит иара.

Женеватәи аиҿцәажәарақәа рҟны ООН ахаҭарнак Џьихан Султаноглу иазгәалҭеит ООН амаӡаныҟәгаҩ хада ааԥхьара шыҟаиҵаз еиуеиԥшым азнеишьақәа аус рыдулазарц Женеватәи аиҿцәажәарақәа рылҵшәақәа реиӷьтәразы.

"Ҳара аиҿцәажәара алахәылацәа зегь шәахь ааԥхьара ҟаҳҵоит азҵаарақәа зегьы рҿы аинырра ҟашәҵаларц. Сара ара сзыҟоу аганқәа ргәаанагарақәа сырзыӡыҩрырц азоуп. Ҳара ибзианы ҳазхәыцроуп аиҿцәажәаратә процесс шеиӷьаҳтәыша", — лҳәеит Султаноглу.

ОБСЕ ахаҭарнак Рудольф Мичалка иҳәеит дызхаҭарнаку аиҿкаара ашәарҭадара зегьы ирхаданы ишашьо, аиҿцәажәара алахәылацәа рыбжьара аусеицура ишадгыло.

Изаамҭанытәиу Женеватәи аиҿцәажәарақәа 45-тәи рраунд мҩаԥгахоит жьҭаара 19-20 рзы.

Ажәабжьқәа зегьы
0