АҞӘА, цәыббра 21 — Sputnik. Иԥсҭазаара далҵит Виетнам ахада Чан Даи Куангҳәа аанацҳауеит РИА Новости амаҵзура Франс Пресс адыррақәа ҵаҵӷәыс иганы.
Иара ахәышәтәырҭаҟны иԥсҭазаара далҵит ашьыжь, асааҭ 10:05 рзы.
Виетнам аинформациатә маҵзурақәа руак Associated Press аҳәамҭала аполитик иԥсҭазаара далҵит акраамҭатәи ичымазара ашьҭахь.
Чан Даи Куанг диит жьҭаара 12 1956 шықәса рзы апровинциа Ниньбинь аҿы. Аханатә иара аус иуан Аҩныҵҟатәи аусқәа рминистрраҟны, Ауаажәларратә шәарҭадара аминистрраҟны.
2016 шықәса мшаԥымзаахыс Чан Даи Куанг атәыла ахадас далхын.
