Рауль Ҳаџьымба Адыгатәи артистцәа аҳаҭыртә хьӡқәа рхиҵеит

© SputnikСпектакль по пьесе немецкого поэта и драматурга Бертольта Брехта "Кавказский меловой круг"
Спектакль по пьесе немецкого поэта и драматурга Бертольта Брехта Кавказский меловой круг - Sputnik Аҧсны
Анапаҵаҩра
НовостиTelegram
Аҳәынҭқарратә аҳаҭыртә хьыӡқәа рыхҵоуп Ибрагим Цеи ихьӡ зху Ареспублика Адыгеиа Амилаҭтә театр артистцәа.

АҞӘА, цәыббра 21 – Sputnik. Аҧсны Аҳәынҭқарра Ахада Рауль Ҳаџьымба инапы аҵаиҩит аҳаҭыртә хьӡқәа "Аҧсны Жәлар рартисти" "Аԥсны зҽаԥсазтәыз артисти" ҳәа аҳаҭыртә хьӡқәа рыхҵаразы Аусҧҟа. Абри атәы аанацҳауеит Ахада иофициалтә саит.

"Атеатртә ҟазара аӡыргарази Кавказ ажәларқәа ркультура рыларҵәарази "Аԥсны зҽаԥсазтәыз артист" ҳәа аҳаҭыртә хьӡы рыхҵазааит Ибрагим Цеи ихьӡ зху Ареспублика Адыгеиа Амилаҭтә театр артистцәа: Асиет Ваикок, Зуральби Зехов, Тимуру Исупов", — ҳәа аҳәоит Ахада Иусԥҟаҿы.

Иара убасгьы Аҧсны Аҳәынҭқарра Ахада Рауль Ҳаџьымба инапы аҵаиҩит Ҟасеи Хачегогу "Аҧсны Жәлар рартист" ҳәа аҳаҭыртә хьӡы ихҵаразы Аусҧҟа.

Аусҧҟа атекст аҟны, ҷыдала, иҳәоуп: "Акультуреи атеатртә ҟазареи рыҟны илшамҭақәа рзы, Аҧсны Аҳәынҭқарреи Ареспублика Адыгеиеи рыбжьара атеатртә еимадарақәа рырҕәҕәараҿы илагаламҭазы "Аҧсны Жәлар рартист" ҳәа аҳаҭыртә хьӡы ихҵазааит Хачегогу Ҟасеи Иахьиа-иҧа, И.С. Цеи ихьӡ зху Ареспублика Адыгеиа Амилаҭтә театр асахьаркыратә напхгаҩы".

Ибрагим Цеи ихьӡ зху Ареспублика Адыгеиа Амилаҭтә театр Аԥсны иҟан 1984 шықәса рзы. 35 шықәса рышьҭахь Адыгатәи атеатр еиҭахгьы гастроль ҳасабла Аԥсны иаҭааит. Атеатр уажәы ара аҟазаара азкуп аԥсуа жәлар аибашьраҿ иргаз аиааира амшныҳәа. Аԥсуа театр аҿы аспектакльқәа дырбалахоит цәыббра 22 рҟынӡа.

Ажәабжьқәа зегьы
0