"Ҳазлацәажәаша ҳамоуп" Голанӡиа акциа "Ҳфырхацәа рымҩала" иазкны
"2015 шықәсазы Урыстәылантә амҩа сықәын Аиааира амш сахьӡарц азы. Сентиабр 29 ауха абас схы иҭашәеит аҷкәынцәа ааизганы ҳабацәа, ҳашьцәа аибашьара анеилгоз Галҟа шьапыла ишцоз еиԥш ҳаргьы ҳцап ҳәа, амҩа џьабаас иаҵоу ҳбартә еиԥш. Сентиабр 29 рзы ашьыжь Ахақәиҭра ашҭа аҟынтәи жәохәҩык раҟара ҳдәықәлеит Егры ацҳахь. Зегь ҳзымнеит, хәҩык раҟара агхеит, Река ақыҭан ҳаангылеит. Ацәылашамҭаз ҩаԥхьа ҳдәықәлеит, асааҭ жәаба рзеиԥш ҳнеит. Уаҟа ишахәҭаз иаҳпылеит ишәаҳәо, икәашо. Ҵыԥхгьы убас. Сынтәа иаҳҭахуп иаҳа ҳхыԥхьаӡара рацәахарц. Дыҟоуп аӡӷаб асиа ҟазҵо ауниверистет аҟны, ицар зҭаху абри аҭел ала илзасыр ҟалоит 965- 92-21. Ахақәиҭра ашҭа аҟынтәи ҳдәықәлоит асааҭ жәаба рзы ашьыжь сентиабр 29 рзы", — иҳәеит Голанӡиа.
