Дмитри Медоев: Аԥсни Аахыҵ Уаԥстәылеи рҩызцәа рыԥшаара иацҵатәуп

© Sputnik / Бадрак АвидзбаМинистр иностранных дел Абхазии Даур Кове встретился со своим коллегой из Южной Осетии Дмитрием Медоевым
Министр иностранных дел Абхазии Даур Кове встретился со своим коллегой из Южной Осетии Дмитрием Медоевым - Sputnik Аҧсны
Анапаҵаҩра
НовостиTelegram
Ахаша, жьҭаара 3 рзы Аԥсны адәныҟатәи аусқәа рминистр Даур Ақаҩбеи Аахыҵ Уаԥстәыла адәныҟатәи аусқәа рминистр Дмитри Медоевы еиԥылеит.

АҞӘА, жьҭаара 3 – Sputnik, Бадраҟ Аҩӡба. Аԥсни Аахыҵ Уаԥстәылеи рҩызцәа рыԥшаара иацҵатәуп иҳәеит Аахыҵ Уаԥстәыла адәныҟатәи аусқәа рминистр Дмитри Медоев, Аԥсны адәныҟатәи аусқәа рминистр Даур Ақаҩбеи иареи реиԥылараан.

Дмитри Медоев иазгәеиҭеит Аахыҵ Уаԥстәыла аделегациа гәахәарыла ахы шаланархәыз Аиааиреи Ахьыԥшымреи 25-шықәса рхыҵра амшныҳәа амҩаԥгара.

Д.Медведев провел заседание правительства РФ - Sputnik Аҧсны
Аахыҵ Уаԥстәыла атәылауаа Урыстәыла ҿҳәарада рыҟазааразы аԥкаанҵа рыдкылоуп

"Аҭагылазаашьа схы иархәаны исҭахуп адәныҟатәи аусқәа рминистрра аколлектив абри амшныҳәа рыдысныҳәаларц", — иҳәеит Медоев.

Аԥсни Аахыҵ Уаԥстәылеи ирхықәкы хаданы иҟоу акоуп – адунеи ҳалахәра арҭбаара, адунеи атәылақәа еиҳа ҳардыруа аҟаҵара иҳәеит иара.

Дмитри Медоев Аԥсни Аахыҵ Уаԥстәылеи рҩызцәа рыԥшаара иацҵатәуп ҳәа азгәеиҭеит.

Аахыҵ Уаԥстәыла азхаҵара 10-шықәса ахыҵра иазкны иаԥҵоуп жәларбжьаратә аусеицураҿ алагаламҭазы аусбарҭатә ҳамҭа.

"Нанҳәа 26 рзы Аахыҵ Уаԥстәыла азхаҵара 10-шықәса ахыҵра иазкны имҩаԥысуаз ауснагӡатәқәа раан, аиубилеи иазкны иаԥҵоу жәларбжьаратә аусеицураҿ алагаламҭазы аусбарҭатә ҳамҭа – амедал, ранашьан Урыстәыла адәныҟатәи аусқәа рминистр Сергеи Лавров, ихаҭыԥуаҩ Григори Карасин", — иҳәеит Медоев.

Абри амедал ранашьахеит иара убасгьы абри аҳамҭа ранашьахеит Аԥсны адәныҟатәи аусқәа рминистр Даур Ақаҩбеи аб Виссариони.

Аԥсны адәныҟатәи аусқәа рминистр Даур Ақаҩба Аахыҵ Уаԥстәыла аделегациа Аԥсны рыҟазаара агәахәара ду шинаҭо иҳәеит.

"Иҭабуп ҳәа шәасҳәоит ҳныҳәамш шәхы ахьалашәырхәыз. Ҳара ҳзы аҵак ду амоуп ҳаиашьаратә уаԥс жәлар иахьагьы иахьҳавагылоу. Еиҳа иуадаҩыз аамҭақәа рызгьы шәара раԥхьатәиқәа шәреиуан", — иҳәеит Ақаҩба.

Даур Ақаҩба иазгәеиҭеит ареспубликақәа рыҩба реизыҟазаашьақәа аҿиара бзиа рыманы ишыҟоу.

Ажәабжьқәа зегьы
0