Аԥсны Адәныҟатәи аусқәа рминистрра Керчь иҭахаз рыуацәа ирыдышшылеит

© Sputnik / Томас ТхайцукВручение верительной граммоты послом РФ в Абхазии Алексеем Двиняниным президенту Абхазии Раулю Хаджимба
Вручение верительной граммоты послом РФ в Абхазии Алексеем Двиняниным президенту Абхазии Раулю Хаджимба - Sputnik Аҧсны
Анапаҵаҩра
Керчьтәи аколлеџь аҟны иҟалаз аԥжәара иахҟьаны иҭахеит 19-ҩык, 50-ҩык рҟынӡа еиуеиԥшым ахәрақәа роуит.

АҞӘА, жьҭаара 18 — Sputnik. Аԥсны Адәныҟатәи аусқәа рминистрра Керчь жьҭаара 17 рзы иҭахаз рыуацәеи-рҭынхацәеи ирыдышшылеит. Абри атәы аанацҳауеит аминистрра асаит.

"Аԥсны Адәныҟатәи аусқәа рминистрра гәалсра дула ирыдышшылоит иҭахаз рыуацәеи-рҭынхацәеи. Ааха зауз ирзеиӷьаҳшьоит иаарласны ршьапы ақәгылара", — ҳәа аҳәоит адырраҭараҿы.

Нападение на керченский колледж - Sputnik Аҧсны
Керчь иҭахаз зегьы рхаҭарақәа шьақәыргылоуп

Керчьтәи аколлеџь акрыфарҭаҿы аметалл иалху амаҭәашьара ала еибаркыз арԥжәага тҟәацит. Абри ашьҭахь ишырҳәо ала ахысрақәа ҟалеит. Иҟалаз иумҭоуп иара абри аҵараиурҭаҿ аҵара зҵоз астудент. Иара ииуз ашьҭахь ихы даехсит.

Керчьтәи аколлеџь аҟны иҟалаз аԥжәара иахҟьаны иҭахеит 19-ҩык, 50-ҩык рҟынӡа еиуеиԥшым ахәрақәа роуит.

Владимир Путини Дмитри Медведеви рнапынҵала Керчьҟа дыԥрит Урыстәыла агәабзиарахьчара аминистр Вероника Скворцова.

РИА Новости иаанацҳауеит аусҭҵааҩцәа ашаҳаҭцәа рҿахәы рҿыхра ишаҿу, арбагакамерақәа рыхҩылаақәа шҭырҵаауа.

Ажәабжьқәа зегьы
0