АҞӘА, жьҭаара 22— Sputnik. Аахыҵ Уаԥстәыла аҳәаахьчаҩцәа Ленингортәи араион ақыҭақәаБалати Ахмадзи ирцәыхарамкәа ԥшьҩык Қырҭтәыла атәылауаа ааныркылеит. Урҭ рҟынтәи ҩыџьа – Гурам Лобджаниӡеи Джозеф Тетелошвилии адин иамаҵзуҩцәоуп ҳәа аанацҳауеит Sputnik Южная Осетия.
"Лобджаниӡеи Тетелошвилии адин иахьамаҵзуҩцәо инамаданы ашәарҭадаратә маҵзура аусзуҩцәа аӡбра рыдыркылеит ақырҭуа ган иарҭарц аштрафтә санкциақәа рықәымҵакәа", — ҳәа аҳәоит адырраҭараҿы.
Оками ақыҭауаа Георги Шаманаурии Иасон Шукакиӡеи рганахь ала аусҭҵаара мҩаԥысуеит.
