"Ҳазлацәажәаша ҳамоуп": Ҳагба Ольга Дубинскаиа илызкны
"Дыҟаҵәҟьаны лыԥсҭазаара зегьы аԥсуааи Аԥсныи абриаҟара ирзылкит, схаҭагьы иџьасшьоит уи. Лареи лҩызцәеи аибашьра ашьҭахь амацәаз ҳанҭакыз, ҳаӡбахә џьаргьы иуҳәар аныҟамлоз, Аԥсны аӡбахә есымчыбжьа аурыс ҭыжьымҭақәа рҟны ирымҳәар руомызт. Раԥхьа Аԥсны данааз, исгәалашәоит, лымацара ақалақь далан ҩымш. Аҩныҟа данааилак, ацәажәара лҭахымызт. Нас аспектакльқәа збар сҭахуп лҳәеит. Нас акәашарақәа лҳарбеит, ауаа драцәажәеит. Иџьоушьаратә иҟоуп амацәаз ҳанҭакыз Европаҟа ҳтеатр агастрольқәа ахьеиҿылкааз. Ларгьы лыԥшәма Дмитри Минчионокгьы шеигәырӷьоз аҳәаанырцә ҳашрыдыркылоз. Дубинскаиа лыԥсҭазаара зегьы Аԥсны иҟан, лыԥсгьы ара инлыжьит", — ҳәа азгәеиҭеит Ҳагба.
