Иракли Хынҭәба РУСДРАМ Адыгатәыла имҩаԥнагаз агастрольқәа дрылацәажәеит

© Sputnik / Илона ХварцкияСпектакль "Братец Кролик & Братец Лис" в РУСДРАМе
Спектакль Братец Кролик & Братец Лис в РУСДРАМе - Sputnik Аҧсны
Анапаҵаҩра
РУСДРАМ агастрольқәа мҩаԥысит Адыгатәылан Урыстәыла акультура аминистрра апрограмма "Большие гастроли" аҳәаақәа ирҭагӡаны.

АҞӘА, жьҭаара 30 – Sputnik, Асмаҭ Ҵәыџьԥҳа. Аурыс драматә театр аспектакльқәа аинтерес ду рызцәырнагеит ахәаԥшыҩцәа ҳәа еиҭеиҳәоит РУСДРАМ адиректор хада Иракли Хынҭәба атеатр Адыгатәыла аҟазаара иазкыз ипресс-кконференциаҿ.

Адыгатәылатәи агастрольқәа рзы иалхын аспектакльқәа ҩба: "Широколобый", "Братец Кролик и Братец Лис". Арҭ аспектакльқәа Аԥснытәи ахәаԥшыҩцәагьы еиҳа иалкааны бзиа ирбақәоз иреиуоуп.

Труппа РУСДРАМа ждет электричку, чтобы отправиться в Абхазию - Sputnik Аҧсны
РУСДРАМ артистцәа Аԥсныҟа амҩа иқәлеит

Фазиль Искандер ирҿиамҭа акәзар, кавказтәи ажәларқәа зегьы ирзааигәоуп.

Атехникатә уадаҩрақәа шыҟазгьы аспектакль акыр иԥханы ирыдыркылеит.

"Аспектакль ашьҭахь Маиҟәаԥтәи атеатртә коллеџь астудентцәа ароль хада назыгӡоз Лиупчо Спасов икәшаны иацәажәон, азҵаарақәа ирҭон. Аспектакль ақәҿиара шаиуз збоит", — иҳәеит Хынҭәба.

Алакә "Братец Кролик и Братец Лис" акәзар, ахәаԥшыҩцәа рацәаны еизнагеит.

"Аспектакль иаҷыдароуп азал аҿы итәоу хәыҷгьы-дугьы ак рывымшәо итәаны рырӡырыҩрра. Аспектакль ашьҭахь ахәаԥшыҩцәа руаӡәк илҳәеит аспектакль ахәыҷқәа ргәалашәараҿы ишаанхо", — иҳәеит адиректор.

Агастрольқәа ирылахәын РУСДРАМ артистцәеи аусзуҩцәеи 30-ҩык. Афинанстә цхыраара ҟанаҵеит Урыстәыла акультура аминистрра.

Адректор иара убасгьы далацәажәеит 38-тәи атеатртә сезон ҿыц. Аԥсуа ахәаԥшыҩцәа рзы архиара иаҿуп акомедиа "Кьоџьаа рҭыӡшәа" (арежиссер Александр Коручеков).

"Аҽырхиара ҳаҿуп. Арежиссиортә знеишьа ҿыц ҳазхәыцуеит", — иҳәеит Хынҭәба.

Иара убасгьы ԥхынҷкәын 17-18 рзы имҩаԥысран иҟоуп "Ҳаџьы-Мураҭ" (Лев Толстои) аԥхьарбара.

Ажәабжьқәа зегьы
0