АҞӘА, жьҭаара 31 – Sputnik, Асмаҭ Ҵәыџьԥҳа. Ажәларқәа реиҩызара Афестиваль мҩаԥысуеит Аҟәа абҵара 2 рзы ҳәа Sputnik иазаалыцҳаит Аԥсны иҟоу "Россотрудничество" ахаҭарнакра аусзуҩ Софиа Кольцова.
"Раԥхьа иргыланы, афестиваль Аԥсны иқәынхо ажәларқәа зегьы: аԥсуаа, аурысқәа, аерманцәа уҳәа егьырҭ амилаҭқәа реиҩызара иазкуп", — лҳәоит Кольцова.
Аԥсны иҟоу урыстәылатәи аицџьынџьуаа Реидгыла ахантәаҩы Анна Калиагина ишылҳәо ала, сынтәа афестиваль аформат ҿыц ала имҩаԥысуеит. Иара хацыркхоит ҭагалантәи арт-маркет ала.
"Арт-маркет аҳәаақәа ирҭагӡаны иӡыргахоит Аԥсны, Урыстәыла, Ҭырқәтәыла, Шьамтәыла руааԥсыра рнапкымҭақәа", — лҳәоит лара.
Аусумҭақәа цәыригар ҟалоит дарбанызаалак изҭаху, абҵара акы аҟынӡа алахәхараз арзаҳал назгаз.
Афестиваль аҩбатәи ахәҭа концертуп. Аконцерт мҩаԥысует Аԥсуа драматә театр аҿаԥхьа, асааҭ 15:00 рзы.
Ажәларқәа реиҩызара Афестиваль мҩаԥысуеит Аҟәа абҵара 2 рзы.
