АҞӘА, абҵара 5— Sputnik. Сербиа Адәныҟатәи аусқәа рминистрра ахада, аԥыза-министр актәи ихаҭыԥуаҩ Ивица Дачич аҳәамҭа ҟаиҵеит Гренада мап ацәнакит уаанӡа иазханаҵахьахьаз Косово ахьыԥшымра ҳәа. Абри атәы аанацҳауеит РИА Новости.
"Гренада ажәбатәи ҳәынҭқарроуп аамҭаказ Косово ахьыԥшымра азхазҵаз аха нас уи мап ацәызкыз", — ҳәа Дачич иажәақәа еиҭанаҳәоит Сербиа Адәныҟатәи аусқәа рминистрра апресс-маҵзура.
Дачич иазгәеиҭеит ари "дипломатиатә қәҿиара дууп" ҳәа.
Приштина Белград аҟынтәи ахьыԥшымра азхазҵаз атәылақәа рхыԥхьаӡара шьақәыргылам. Косово-албантәи амчрақәа урҭ рхыԥхьаӡара 110 рҟынӡа инаӡоит ҳәа ирыԥхьаӡоит. Сербиа анапхгара уи иашам ҳәа ахырҳәаауеит.
1999 шықәса рзы албаниатәи асепаратистцәеи Сербиа ари реиҿагылара Иугославиа абомбақәа ралажьрахь икылнагеит. 2004 шықәса рзы косовтәи албанцәа асербқәа рыҩнқәа ирықәланы рынхарҭақәа ирхырцеит. Косово-албаниатәи амчрақәа Приштина, 2008 шықәса рзы Сербиа аҟынтәи ахьыԥшымра ҳамоуп ҳәа рыларҳәеит.
Иахьазы дара азхарҵом Сербиа, Урыстәыла, Китаи, Израиль, Иран, Испаниа, Бырзентәыла уҳәа аҳәынҭқарра дуқәа жәпакы.
