Шьаҟрылԥҳа: аԥыза-министр иҭахараантәи амашәыр иалахәыз ахара идҵара заацәоуп

© Sputnik Асида Шакрыл
Асида Шакрыл - Sputnik Аҧсны
Анапаҵаҩра
НовостиTelegram
Ҳаџьараҭ Ҭарсман даанкылан цәыббра 11 рзы, амҩатә машәыр иадҳәаланы. Амҩатә машәыр аан дҭахеит Аԥсны аԥыза-министр Геннади Гагәылиа. Аԥшьаша, абҵара 8 рзы Аҟәатәи ақалақьтә ӡбарҭа аҽа мызки 15 мши Ҭарсман ирбаандаҩра аҿҳәара иацнаҵеит.

АҞӘА, абҵара 8— Sputnik. Аԥсны ауаҩы изинқәа рыхьчара знапы иану Асида Шьаҟрылԥҳа абҵара 8 рзы аҳәамҭа ҟалҵеит атәылауаҩ Ҳаџьараҭ Ҭарсман иганахь ала аҳәынҭқарратә усбарҭақәа рхаҭарнакцәа иҟарҵо ахарадҵара инадҳәаланы.

Омбудсмен илҳәеит Ауаҩы изинқәа рыхьчаразы Аофис ахь ишынашьҭыз амҩатә машәыр аҭҵаара иадҳәалоу азыҳәақәа.

Лара иазгәалҭеит, амҩатә машәыр ашьҭахь атәыла азинхьчаратә усбарҭақәа рхаҭарнакцәақәак амҩатә машәыр алахәыла Ҳаџьараҭ Ҭарсман иганахь ала ишьақәыргыламыз, заанаҵтәи ахәшьарақәа зҭаз аҳәамҭақәа ҟарҵеит ҳәа.

Заседание сухумского городского суда по делу Хаджарата Тарсмана, арестованного по факту ДТП, в результате которого погиб премьер Абхазии Геннадий Гагулия - Sputnik Аҧсны
Аԥыза-министр иҭахара иадҳәаланы иаанкылаз ирбаандаҩра аҿҳәара иацҵоуп

"Ауаҩытәыҩса изинқәа рыхьчара знапы иану иаҳасабала асеиԥш иҟоу аҳәамҭақәа агәыҩбара сызцәырыргоит, избанзар дара аӡбарҭа алкаақәа ҟанаҵаанӡа иҳәан, иара убри алагьы ахарамра апринцип еиларгон", — ҳәа лҳәоит Шьаҟрылԥҳа.

Асида Шаҟрылԥҳа азхьаԥшра алҭеит ахҭыс аныҟала адырҩаҽны абрифинг аҿы Аԥсны аҩныҵҟатәи аусқәа рминистр Гарри Аршба Ҭарсман амҩатә машәыр аныҟалаз аамҭазы анаркотикатә маҭәашьар идкылан дыҟан ҳәа ииҳәаз.

"Иара убри аҽны Sputnik Аԥсны асаит аҿы ианын астатиа, зыҟны Аԥсны апрокурор хада ицхырааҩ инапынҵақәа назыгӡоз Амҷба Даур "Автомашьына ВАЗ-2199 аԥсҟы зкыз Ҭарсман Ҳ. Анаркотикқәа идкылан дыҟан" ҳәа аҳәоз", — лҳәеит Шьаҟрылԥҳа.

Иара убасгьы цәыббра 12 рзы Аԥсны апрокурор хада ицхырааҩ инапынҵақәа назыгӡоз Амҷба Даур аусҭҵаара иазкыз иинтервиу аҿы "Ҭарсман ахара ахәҭа ихахьы игеит" ҳәа иҳәеит ҳәа азгәалҭеит лара.

Омбудсмен иазгәалҭеит аҳәынҭқарратә усбарҭақәа рхаҭарнакцәа цәыббра 9-12 рзы ахарадҵаратә ҳәамҭақәа ҟарҵон ҳәа. Лара агәра лгоит ас еиԥш иҟоу аинформациа аҵаҵӷәы амазароуп ҳәа.

Лара ааԥхьара луит апрокуратура аусбарҭақәа ахарамзаара апринцип иқәныҟәаларц ашьаусҭҵааратә процесс анымҩаԥысуа аамҭазы.

Ажәабжьқәа зегьы
0