АҞӘА, абҵара 23 — Sputnik. Пизантәи абааш аҵыхәтәантәи 17 шықәса рыҩныҵҟа ԥшь-сантиметрак аҽариашахьеит ҳәа аанацҳауеит РИА Новости, агазеҭ Corriere della Sera адыррақәа ҵаҵӷәыс иганы.
"Асаркьал асырҭа ҿыцхазшәоуп ишыҟоу" ҳәа иҳәоит абааш иашьклаԥшуа, апрофессор Сальваторе Сеттиса.
ХХ-тәи ашәышықәсазы аргыламҭа ахынаара иацнаҵеит. Убри азы 1993 шықәса инаркны 2001 шықәса рҟынӡа аҵарауаа жәларбжьаратәи ргәыԥ абаа ашьақәыртәара напаларкит. 41 сантиметр рҟынӡа идыриашеит. Ус шакәугьы ииашаҵәҟьаны изгылом.
Пизантәи абааш—акатоликтә уахәама Duomo Santa Maria Assunta асаркьал асырҭоуп.
