Аџьықәреи, аҟәыд, ахәыл: Ҭырқәтәыла "ииз" аԥсуа ауҭраҭых аҽаҩра ҭаргалеит

© Sputnik / Саида ЖибаАџьықәреи, аҟәыд, ахәыл: Ҭырқәтәыла "ииз" аԥсуа ауҭраҭых аҽаҩра ҭаргалеит
Аџьықәреи, аҟәыд, ахәыл: Ҭырқәтәыла ииз аԥсуа ауҭраҭых аҽаҩра ҭаргалеит - Sputnik Аҧсны
Анапаҵаҩра
НовостиTelegram
Ҭырқәтәыла, Адаԥазар ақалақь иаԥну аԥсуа қыҭа Балбалы, Калдахәара ҳәа изышьҭоу аҟны, аигәылацәа Сергьегьиааи Аҩӡааи иаадрыхит Аԥснынтәи ирзынашьҭыз ауҭраҭых ажәла. Уи аҽаҩра зеиԥшрахаз атәы сахьақәак ҳзаарышьҭит аинтернет ала.

 Саида Жьиԥҳа, Sputnik

Абысҭа тыруа иуны, ахәыл ҟаԥшьӡа ирҵәны, аҟәыд цаҳәцаҳәуа ичаԥаны -абас, аԥсуа чыс хаҭа иазхьаауеит аҳәаанырцә инхо ҳашьцәа.

© Foto / Саида ЖибаАџьықәреи, аҟәыд, ахәыл»: Ҭырқәтәыла ииз аԥсуа уҭраҭых
Аџьықәреи, аҟәыд, ахәыл: Ҭырқәтәыла ииз аԥсуа ауҭраҭых аҽаҩра ҭаргалеит - Sputnik Аҧсны
Аџьықәреи, аҟәыд, ахәыл»: Ҭырқәтәыла ииз аԥсуа уҭраҭых

Сынтәа, ааԥынразы сҩызцәа Сергьегьиааи Аҩӡааи рахь Ҭырқәтәылаҟа сасра ацара сҽаназыск, сразҵааит шәыԥсадгьыл аҟнытә ишәызназгои ҳәа. Усҟан иаҳәеит аџьықәреи, аҟәыд, ахәыл рыжәлақәа. Хымԥада, ақалақьуаҩ сзы иаразнак аԥшаара уадаҩхеит. Аха, ауа-ҭахыла ақыҭақәа рахь адырра ҟасҵан еизызгеит.

© Foto / Саида ЖибаАџьықәреи, аҟәыд, ахәыл»: Ҭырқәтәыла ииз аԥсуа уҭраҭых
Аџьықәреи, аҟәыд, ахәыл: Ҭырқәтәыла ииз аԥсуа ауҭраҭых аҽаҩра ҭаргалеит - Sputnik Аҧсны
Аџьықәреи, аҟәыд, ахәыл»: Ҭырқәтәыла ииз аԥсуа уҭраҭых

Сҩыза Беслан Амԥар Лӡаантәи аџьықәреи ажәла сзааигеит, саҳәшьа Диана Задеԥҳа Аацынтәи аҟәыд ажәла, Оҭҳарантәи издырқәоз џьоукы Багаҭелиаа рҭаацәарак ирымҭаны ахәыл ажәла сырҭеит.

Балбалы, (Калдахәара) сахьынӡыҟаз Аԥснытәи ажәлақәа ларҵеит. Ҽнак иалагӡаны амхы аус адырулеит.

Ҭырқәтәыла аџьықәреи шылалҵаз - Sputnik Аҧсны
Афара саауеит: Ҭырқәтәыла аԥсуа џьықәреи шылаҳҵаз

"Иҭабуп идуӡӡаны иаҳзаашәышьҭыз ажәлақәа рзы. Ҳара ҳџьынџьдгьыл иацкару зегьы иԥшьоу ак акәны иаҳбоит. Аԥсуа жәлақәа ахьылаҳҵо аҭыԥгьы ус баша уҭраӡам, ҷыдала иҳармазеиз, иаҳчахыз дгьыл ҽыҭуп. Шәнапала иҳашәҭаз ажәла иалҵуа аҽаҩра амалқәа иреиҳахоит", - ҳәа аарыцҳаит усҟан.

Сҩызцәа лафны исарҳәон, арашәараан баҳзаа ҳәа, аха сара афара еиӷьысшьуан аҟнытә, аҿамаҿа анҭажәгало саашәыԥхьар еиӷьуп ҳәа рабжьазгеит.

Абар уи уажәшьҭа иагьаамҭахеит. Сергьегьиааи Аҩӡааи амхы ҭаргалеит. Исзаарышьҭыз афотои авидеои аҟны ижәбоит уи шаҟа еигәырӷьо.

Ҭырқәтәыла ибеиахаз, ауҭраҭых араҟа ашьаҭа анаркит. Аџьықәреи, аҟәыд, ахәыл ажәлақәа рзы аигәылацәа ирыдҵаалаз рацәаҩхеит.

© Foto / Саида ЖибаАџьықәреи, аҟәыд, ахәыл»: Ҭырқәтәыла ииз аԥсуа уҭраҭых
Аџьықәреи, аҟәыд, ахәыл: Ҭырқәтәыла ииз аԥсуа ауҭраҭых аҽаҩра ҭаргалеит - Sputnik Аҧсны
Аџьықәреи, аҟәыд, ахәыл»: Ҭырқәтәыла ииз аԥсуа уҭраҭых

"Аԥсуа џьықәреи алагара иазаҳкуеит, абысҭа ҿа ҳуоит иаарласны", - ҳәа ҭелла ҳаицәажәараан адырра сырҭеит сҩызцәа.

Хымԥада, уи саргьы агьама збароуп, аха сгәы иҭаку макьана ирасымҳәеит.

Ажәабжьқәа зегьы
0