АҞӘА, абҵара 27– Sputnik. ЕАШ ахада Дональд Трамп иҳәеит китаитәи атауарқәа абаџь рықәымҵахарц азы Китаи иҟанаҵаз ажәадгала оумашәа ишибо. Абри атәы аанацҳауеит РИА Новости агазеҭ Wall Street Journal адыррақәа ҵаҵӷәыс иҟаҵаны.
"10% рҟынӡа реиҳатәра сақәшаҳаҭхар алшоит иаҳҳәап аноутбукқәеи асмартфонқәеи рымаҭәахәқәа рзы. Аха убри аан урҭ рхаҭабзиара иахәаԥштәуп", — иҳәеит Трамп.
Уи адагьы Китаии Америкеи зеиламцәажәар, Трамп игәҭакуп 267 миллиард доллар рыхә iPhone амаҭәахәқәа рықәҵара баџь ҳасабны. Иара иажәақәа рыла, урҭ абаџьқәа 10% иреиҳамхароуп.
"Ҳзеиламӡар, 267 миллиард доллар рыхә атауарқәа баџьны рықәҵара сазыхиоуп", — иҳәеит Трамп агазеҭ Wall Street Journal аинтервиу аҭо.
Ари аинтервиу Трамп иҟаиҵеит асаммит "Большая двадцатка" аартра мчыбжьык шагыз. Асаммит мҩаԥысраны иҟоуп Аргентина, абҵара 30 — ԥхынҷкәын 1 рзы. Иазыԥхьагәаҭоуп асаммит аҿы Трампи Кита ахада Си Цзиньпини реиԥылара.
