Ашықәсҿыцазтәи аҳамҭа: авокалтә проект "Абыжь ҿыцқәа" мҩаԥысуеит Аҟәа

CC0 / / Микрофон
Микрофон - Sputnik Аҧсны
Анапаҵаҩра
Yandex newsTelegram
Авокалтә проект "Абыжь ҿыцқәа" мҩаԥысраны иҟоуп Ражьден Гәымба ихьӡ зху Аԥснытәи аҳәынҭқарратә филармониаҿы, ԥхынҷкәын 19 асааҭ 18:00 рзы.

АҞӘА , ԥхынҷкәын 3– Sputnik, Бадраҟ Аҩӡба. Авокалтә проект "Абыжь ҿыцқәа" мҩаԥысраны иҟоуп Ражьден Гәымба ихьӡ зху Аԥснытәи аҳәынҭқарратә филармониаҿы ҳәа Sputnik иазеиҭалҳәеит афилармониа аӡыргараз аҟазауаҩ Арифа Қапԥҳа.

Зылшарақәа ԥку аҭаацәарақәа рҟынтәи ахәыҷқәа рзы Аԥснытәи аҳәынҭқарратә филармониаҟны имҩаԥган аконцерт. - Sputnik Аҧсны
Афилармониаҟны зылшарақәа ԥку ахәыҷқәа рзы имҩаԥысит аконцерт

"Ари, Аԥснытәи афилармониа амузыка абзиабаҩцәа рзы ашықәс ҿыц азы иаздырхиаз ҳамҭоуп. Аԥсныҟа иаауеит иуникалтәу урыстәылатәи авокалтә проект", - ҳәа еиҭалҳәоит лара.

Аԥсныҟа иаауеит Москватәи аопереттатә театр асолист, Жәларбжьаратәи аиндаҭлараҿ Гран-при занашьо, ателехәаԥшратә проект "Голос" афиналист Павел Иванов, Приднестровиа-Молдавиатәи ареспубликаҿ зҽаԥсазтәыз артист, Московатәи афилармониа асолист, аԥхьахә "Овация" алауреат Игорь Милиуков, Москватәи аопереттатә театр асолист, Жәларбжьаратәи аиндаҭларақәа рлауреат Иван Викулов.

"Ҳара иаҳҭахуп ауаа амузыка ҿыц раҳарц, еицырдыруа аклассикатә стандартқәа аҽа знеишьак ала ирыдаагаларц. Ҳара ҳҿы даара бзиа ирбоит аоперетта. Аԥхьа иҳагәҭакын аоперетта ақәыргылара аха уи ауадаҩрақәа аҵоуп азы иҳаӡбеит Москватәи аопереттатә театр асолистцәа ааҳаԥхьарц", - ҳәа лҳәоит Арифа Қапԥҳа.

Аконцерт аҿы иара убасгьы аҭыԥ аиуеит аестрадатә музыка.

"Аконцерт аҿы инагӡахоит аклассикатә ариақәа, амиузикл, аестрадатә ашәақәа, афольклортә музыка, акинофильмқәа рҟынтәи еицырдыруа ашәақәа. Аконцерт амҽхак аҭбаарала дарбанызаалак иара игәаԥхо иаҳартә иҟалоит", - лҳәеит лара.

Арифа Қапԥҳа изҭаху зегьы ааԥхьара рылҭоит аконцерт ахь, агәрагарагьы лымоуп артистцәа рыҩаӡара азыӡырыҩцәа зегь шаҭҟәо.

Ажәабжьқәа зегьы
0