Агәыԥ "Новые голоса" Аԥсны иқәгылоит

Анапаҵаҩра
НовостиTelegram
Артистцәа Аԥсныҟа иааргоит аклассикатә рҿиамҭақәа, аоперетта, ариақәа, аромансқәа, аурыс жәлар рашәақәа, аестрадатә хитқәа.

АҞӘА, ԥхынҷкәын 12– Sputnik. Урыстәылатәи агәыԥ "Новые голоса" аконцерттә программа аԥсуа хәаԥшыҩцәа ргәы архыҭхыҭышт иҳәеит радио Sputnik аинтервиу азҭаз, аколлектив алахәыла, Московатәи афилармониа асолист Игорь Милиуков.

Артистцәа Аԥсныҟа иааргоит аклассикатә рҿиамҭақәа, аоперетта, ариақәа, аромансқәа, аурыс жәлар рашәақәа, аестрадатә хитқәа.

"Сгәы иаанагоит ҳапрограмма аклассикатәи аестрадатәи шәаҳәаҩцәа ҳакәны ҳаанарԥшып ҳәа. Ари апрограммала ҳара адунеи ҳакәшахьеит: Черногориа, Германиа, Урыстәыла ақалақьқәа жәпакы ҳарҭаахьеит. Ҳара арепертуар убасеиԥш еиҿаҳкааит, дарбанызаалак игәы иаҳәо иаҳартә еиԥш", — иҳәеит Милиуков.

Артист иажәақәа рыла, аколлектив изныкымкәа Аԥсны иқәгылахьеит. Быжь-шықәсоуп ԥсшьара ҳәа Пицундаҟа иаауеижьҭеи, аконцертқәагьы мҩаԥыргоижьҭеи.

"Аԥснытәи афилармониа ааԥхьара анаҳнаҭа даара ҳгәы иахәеит. Гәык-ԥсык ала шәыԥсадгьыл, шәымшын, шәымра, шәысасдкылашьа, шәыжәлар ссир бзиа иаабоит. Аконцертгьы даара ҳаигәырӷьаны имҩаԥаагоит", — иҳәеит ашәаҳәаҩ.

Аколлектив иара убасгьы иалахәуп: апроект "Голос" афиналист Павел Иванови Москватәи аоперетта атеатр асолист Иван Викулови. Урыстәылатәи агәыԥ "Новые голоса" аконцерт мҩаԥысуеит ԥхынҷкәын 19 рзы Аԥснытәи аҳәынҭқарратә филармониаҿ.

Ажәабжьқәа зегьы
0