АҞӘА, ԥхынҷкәын 13 – Sputnik, Асмаҭ Ҵәыџьԥҳа. Аԥснытәи абоксиор Ҳаџьараҭ Қардиа абокс азы аицлабраҿы араӡны медал ианашьахеит. Абокс азы Урыстәыла аицлабра мҩаԥысуан Анапа, ԥхынҷкәын 4-10 рзы. Абри атәы Sputnik иазааицҳаит аспортсмен иазыҟаҵаҩ Елызбар Џьологәуа.
Абоксиор дықәгылон 75 кьыла зыкапан ыҟоу ркатегориала. Азыҟаҵаҩ иажәақәа рыла, Қардиа ԥшьынтә деиндаҭлеит, хынтә аиааира игеит.
"Афиналбжаҿы Европа аицлабраҿ аиааира згаз Москватәи аспортсмен дииааит, аха афинал аҿы Чечентәылатәи аспортсмен даниндаҭлоз даҵахеит", — иҳәоит иара.
Аспортсмен игәҭакуп аԥхынразы имҩаԥысраны иҟоу абокс азы Урыстәылеи Европеи рҟны аицлабрақәа ихы рылаирхәырц.
