АҞӘА, ажьырныҳәа 15 — Sputnik. Владимир Путин ауаа дырзааигәахарц азы Twitter иҭахӡам иҳәеит Урыстәыла ахада апресс-маӡаныҟәгаҩ Дмитри Песков "Аргументы и факты" аинтервиу анеиҭоз.
Абас иҳәеит азҵаара, Путин, Дональд Трамп иеиԥш иалхыҩцәа драцәажәаларц азы асоциалтә ҳақәа ихы иаирхәалар ахәҭаӡами ҳәа аҭакс.
Песков иазгәеиҭеит Урыстәыла ахада асмартфонгьы шимам, аха убри аамҭазы апресса дшьашклаԥшуа, аинтернет аҿы ажәабжь ҿыцқәа дышрыԥхьо.
"Кремли Ново-Огаревеи атәыла ахада иаԥхьа иқәуп агазеҭқәеи ажурналқәеи. Ирацәоуп дзыԥхьо. Аҳаирплан аҿы акәзаргьы аԥхьара аԥыжәара аиҭоит. Убри аан аинтернетгьы мап ацәикуам", - иҳәоит Песков.
Песков иазгәеиҭеит аинформациатә хыҵхырҭақәа акыр ишыҭбаау.
