АҞӘА, ажьырныҳәа 22 – Sputnik. Урыстәылатәи арежиссер Артем Устинов иқәыргыламҭа аспектакль "Электра" иаанартуеит РУСДРАМ 39-тәи асезон ҳәа радио Sputnik иазеиҭеиҳәеит атеатр адиректор хада Иракли Хынҭәба.
2018 шықәса рзы РУСДРАМ аҿы идырбан аспектакль "електра" ацыԥҵәаха, Урыстәыла атеатр аусзуҩцәа Реидгыла арҿиаратә лабораториа аусура аҳәаақәа ирҭагӡаны.
Аспектакль аҟны ароль хадақәа нарыгӡоит РУСДРАМ актерцәа: Мадлена Барцыц, Наталиа Папасқьыр, Осман Абыхәба, Инал Инапҳа, Лоида Ҭырқьба-Дауҭиа. Арежиссер Артиом Устинов - ГИТИС арежиссиортә факультет доушьҭымҭоуп, Урыстәыла атеатр аусзуҩцәа Реидгыла арҿиаратә лабораториа далахәылоуп.
"Артиом аспектакль аус адуларазы дазҳаауеит. Иара асценахь иӡыраагахьеит. Хаҭала сара сзы аҵыхәтәантәи аамҭаз реиҳа анырра сызҭаз рҿиамҭоуп" ҳәа иҳәоит атеатр адиректор хада.
Хынҭәба иажәақәа рыла, Артиом Устинов аспектакль инарҭбааны ақәыргылараз аусурақәа дрылагоит 2019 шықәса цәыббрамзазы. Аспектакль ақәыргылараз иаҭахны иҟоу ахарџьқәа рӷьырак ахахьы иагоит Урыстәыла атеатр аусзуҩцәа Реидгыла.
