Вышински аӡбарҭа аилатәара далахәхоит

© Sputnik / Стрингер / Амедиаҵәахырҭахь аиасраВышински аӡбарҭа аилатәара далахәхоит
Вышински аӡбарҭа аилатәара далахәхоит - Sputnik Аҧсны
Анапаҵаҩра
Вышински идукат Андреи Домански Херсонтәи аӡбарҭа Вышински ирбаандаҩра аҿҳәара изацҵараз аӡбара аганахь ала Украина Иреиҳаӡоу аӡбарҭахь апеллиациа неишьҭхьан.

АҞӘА, ажьырныҳәа 25 - Sputnik. Адукат Андреи Домански еиҭеиҳәеит апортал РИА Новости Украина анапхгаҩы Кирилл Вышински хәажәкыра 20 рзы имҩаԥысраны иҟоу аилатәара иалатәара Украина Иреиҳаӡоу аӡбарҭа шақәшаҳаҭхаз. Абри атәы аанацҳауеит РИА Новости.

Кирилл Вышински аилатәара аҽны Херсонынтәи Киевҟа днаргоит ҳәа иҳәеит Домански.

Вышински 30 том иҟоу иус аԥхьара напалеикит - Sputnik Аҧсны
Вышински иоуит алшара 30 том инаӡо иусшәҟәқәа рыԥхьаразы

"Вышински ибаандаҩра аҿҳәара иахәаԥшраны иҟоуп хәажәкыра 20 рзы. Иақәшаҳаҭхеит аӡбарҭа аилатәара далахәхарц азы", - иҳәеит адукат.

Апортал РИА Новости Украина анапхгаҩы Кирилл Вышински даанкылан Киев, лаҵара 15, 2018 шықәса рзы. Ажурналист аҳәынҭқарра иԥсахит ҳәа ахара идырҵоит. Абри ахәҭаҷ ала иазыԥхьагәаҭоуп 15 шықәса рҟынӡа ҭакрала ахгара.

Амассатә информациатә хархәагақәа рхақәиҭра азҵаарақәа рзы ОБСЕ ахаҭарнак Арлем Дезир уаанӡагьы агәҭынчымра ааирԥшхьан Киев апортал РИА Новости Украина аганахь ала ахымҩаԥгашьазы. Дезир ааԥхьара ҟаиҵахьеит ажурналист ихы дақәиҭтәызарц.

Ажьырныҳәа 14 рзы Украина апрокуратура аҳәамҭа ҟанаҵеит Вышински иус хыркәшоуп ҳәа. 30 том рҟынӡа инаӡо ажурналист иусшәҟәқәа иара ихаҭа иеиԥш идукатцәагьы аԥхьарц ирырҭеит.

Ажәабжьқәа зегьы
0