Еныкь "Амбжьах лыбжьара" иазкны: ҽнак быжьба –ааба сааҭ ҳҽазыҟаҳҵон
"Аҽазыҟаҵарақәа мҩаԥаагон "Абаза". Ҽнак быжьба – ааба сааҭ анақәҳарӡуазгьы ыҟан. Ақәыргыламҭа иалоуп адублиорцәа, ахԥатәи акурс астудентцәа. Дара акурстә усумҭа рыхьчараны иҟоуп, абри аспектакль иалархәны ирылоу абаҩхатәра аарԥшра ҳгәы иҭоуп. Апиеса дууп, актқәа хәба амоуп аҟынтә ҩ-сааҭк инацны ақәыргыламаҭа цоит, ҳәарада, антракт ҟалоит. Афырхаҵа хада ироль наигӡоит Мдар Сақаниа, амбжьах лроль- Альдона Адлеиԥҳа", - иҳәеит Еныкь.
Ажьырныҳәа 29, 30, жәабран 4 рзы адраматә театр асценаҿы Аԥсуа Ҳәынҭқарратә аҿар ртеатр ахәаԥшцәа ирыднагалоит Уилиам Шекспир иҩымҭала "Амбжьах лыбжьара" апремиера.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
