Раҳми Арӡынба: аус зуар зҭаху инапы злеикша иԥшаауеит
"Кәтаӷьк сфап ҳәа ҩажәа кәҷишь аасхәеит. Дара зегьы рбаӷьхеит, анаҩс иҭиины акәытқәа аасхәеит. Аԥхьа ҩажәа кәты сыман, нас шәкы ҟалеит, нас – ҩышә. А-инкубатор хәыҷык аасхәан ақәҷарақәа рхыхра салагеит, ианысзымха, аду згеит. Мызкала 1000-1200 кәҷышь хысхуеит. Адгьыли аамҭеи змоу зегьы ирабжьазгоит ари аус рнапы адыркырц. Ақыҭауаа ԥарак дырҳарцаз- ибзиоу усуп. Ахаҵа акәты иааӡеит ҳәа иамоузеи цәгьарас, изыԥхашьароузеи. Сара аус анызымуа сгәы бааԥсхоит, хьҭак сылалеит ҳәа сзышьҭалаӡом. Аусура бзиа избоит, аус зур зҭаху иԥшаауеит инапы злеикша", - ҳәа азгәеиҭеит Арӡынба.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
