Шьанааԥҳа: ачахә ианацла иаҳа ҳаиҷаҳалап ҳәа сгәы иаанагоит
"Ача аазхәо аӡәгьы гәамҵӡом, избанзар ахә ишацлаз рдыруеит, иҳаҳахьан. Акраҳамфар ҟалом, уи шаҳфац иаҳфароуп ҳәа азгәаҭаны ажәлар агәамҵра аадырԥшум. Ача иҵегьы пату ақәаҳҵозароуп, уажәшьҭа ахә ианацла иаҳа ҳаиҷаҳалап ҳәа сгәы иаанагоит", - лҳәеит Шьанааԥҳа.
Ача ахә 3 мааҭк иацлоит ашәахьа, жәабран 4 инаркны. Абри атәы аанацҳаит Аԥсны аминистрцәа реилазаара аофициалтә саит. Аиҳабыра рықәҵараҟны иарбоуп ачашыла иреиҳаӡоу асорт иалху ча хык 24 мааҭ ишаԥсахо, актәи асорт иалху - 23 мааҭ, ачашыла аҩбатәи асорт иалху – 22 мааҭ.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
