"Азҵаарақәа даара ирацәоуп, иаҳҳәап, арепатриант данааилак анхарҭа ҭыԥ аиҿкаара, аекономикатә ҭагылазаашьа аиӷьҭәра, аусурҭатә ҭыԥла аиқәыршәара, атәыла дышԥашьцыло уҳәа иреиԥш иҟоу. Ҳара арепатриациа аҩныҵҟа ареформақәа ҟаҵатәуп ҳәа агәаанагара ҳамоуп. 25 шықәса инеиԥынкыланы аԥхьаӡа иргыланы иӡбатәу зҵааран ҳәа иахәаԥшуан анхарҭа ҭыԥла ҳџьынџьуаа реиқәыршәара. Аха ус акәымкәа, шықәсык аҩны аргылара иазоужьу иаагырханы, аҿар Аԥсныҟа иадҳаԥхьало, ауниверситет иҭаҳҵо, амҩа иқәаҳҵо, абас иҟаҳҵар иаҳа алҵшәа аиуеит. Арԥыс мамзаргьы аҭыԥҳа ԥшьышықәса ара аҵара анырҵалак, иаҳа рыԥсадгьыл агәыбылра ркуеит, атәылагьы иаҳа иашьцылоит, ршьапы иқәгылоит, ҿыц иаауагьы ирыцхраартә еиԥш иҟалоит. Абри аус гәыгәҭажьны иҟоуп, уи гха дууп ҳәа исыԥхьаӡоит", - ҳәа азгәеиҭеит Хапат.
Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.
