ОБСЕ Вышински иус ҷыдала азҿлымҳара арҭоит

© Sputnik / Стрингер / Амедиаҵәахырҭахь аиасраКирилл Вышински
Кирилл Вышински - Sputnik Аҧсны
Анапаҵаҩра
Уаанӡа Урыстәыла Адәныҟатәи аусқәа рминистр Сергеи Лавров аҳәамҭа ҟаиҵахьан апортал РИА Новости Украина аиҳабы Кирилл Вышински иус ишақәнагоу иӡбахаанӡа адгылара шарҭо азы.

АҞӘА, жәабран 22– Sputnik. ОБСЕ Апарламенттә ассамблеиаҿ Урыстәыла аделегациа ахада, Аҳәынҭқарратә Дума аиҳабы ихаҭыԥуаҩ Пиотр Толстои аҳәамҭа ҟаиҵеит апортал РИА Новости Украина аиҳабы Кирилл Вышински иус ОБСЕ ишгәыгәҭанамыжьуаз. Абри атәы аанацҳауеит РИА Новости.

ОБСЕ амаӡаныҟәгаҩ хада Томас Гремингер - Sputnik Аҧсны
ОБСЕ амаӡаныҟәгаҩ хада Томас Гремингер Вышински иус дашьклаԥшуеит

ОБСЕ Апарламенттә ассамблеиа мҩаԥысуеит Вена, жәабран 21-22 рзы.

"Украина аҵакыраҿы иаанкылоу ҳколлегацәа рызҵаара иазхьаҳарԥшит. Ҳәарада, иазааҭгылан апортал РИА Новости Украина аиҳабы Кирилл Вышински иҭагылазаашьа. Адҵа ҟаҳҵеит ОБСЕ иара иоужьра иалацәажәарц. Агәрагара ҳарҭеит абри аус ус ишаанырмыжьуа", - ҳәа иҳәеит иара.

Апортал РИА Новости Украина анапхгаҩы Кирилл Вышински даанкылан Киев, лаҵара 15, 2018 шықәса рзы. Ажурналист аҳәынҭқарра иԥсахит ҳәа ахара идырҵоит. Абри ахәҭаҷ ала иазыԥхьагәаҭоуп 15 шықәса рҟынӡа ҭакрала ахгара.

Вышински Урыстәыла ахада Владимир Путин иахь аҳәара ҟаиҵеит ацхырааразы. Иара Украина атәылауаҩра мап ацәкра дазыхиоуп. Арзаҳал Украина ахада иусеилыргарҭахь инашьҭуп, аха макьаназ уи аҭак ҟаҵам.

Министр иностранных дел РФ Сергей Лавров - Sputnik Аҧсны
Лавров Вышински изы: аиаша ахьиҳәоз азоуп дызҭаку

Урыстәыла ахада ари аҭагылазаашьа аиԥш зеиԥшу ыҟам ҳәа ахиҳәааит, иазгәеиҭеит "Вышински дзаанкылоу ипрофессионалтә усуразы ауп" ҳәа.

Амассатә информациатә хархәагақәа рхақәиҭра азҵаарақәа рзы ОБСЕ ахаҭарнак Арлем Дезир уаанӡагьы агәҭынчымра ааирԥшхьан Киев апортал РИА Новости Украина аганахьала ахымҩаԥгашьазы. Дезир ааԥхьара ҟаиҵахьеит ажурналист ихы дақәиҭтәызарц.

Ажьырныҳәа 14 рзы Украина апрокуратура аҳәамҭа ҟанаҵеит Вышински иус хыркәшоуп ҳәа. 30 том рҟынӡа инаӡо ажурналист иусшәҟәқәа иара ихаҭа иеиԥш, идукатцәагьы аԥхьарц ирырҭеит.

 

Ажәабжьқәа зегьы
0