АҞӘА, жәабран 27 - Sputnik. Урыстәылеи Шьамтәылеи русбарҭабжьаратә координациатә штаб аҳәамҭа ҟанаҵеит Еиду Америкатә штатқәа Ет-Танф шьамтәылатәи ахәҭаҿынтә ахҵәацәа ралҵра иаԥырхагоуп, урҭ алагер ааныжьра ҟалом ҳәа агәра дхадырҵоит ҳәа. Абри атәы аанацҳауеит РИА Новости.
"Еиду аштатқәа Ет-Танф шьамтәылатәи ахәҭаҿынтә ахҵәацәа ралҵра иаԥырхагоуп, урҭ алагер ааныжьра ҟалом ҳәа агәра дхадырҵоит. Шьамтәылатәи аиҳабыра хылаԥшра зырҭо аҵакыраҿы ирзыԥшу рыцҳароуп, гәаҟроуп ҳәа ажәабжьқәа аладырҵәоит", - ҳәа аҳәоит аҳәамҭаҟны.
Иазгәаҭоуп 2019 шықәса жәабранмзазы ООНи Шьамтәыла Аџьар ҟаԥшьи имҩаԥыргоз аҩбатәи агуманитартә кануеи аан алагер "Рукбан" ахҵәацәа рыбжьара азҵаарақәа мҩаԥган, ауаа ԥхьаҟатәи рԥеиԥш шырбо аилкааразы.
" 95% ахҵәацәа алагер ааныжьра рҭахуп, 83% ареспондентцәа уаанӡа иахьынхоз аҭыԥқәа ирзыхынҳәыр рҭахуп, убри аан урҭ рҟынтәи 80% атәыла аиҳабыра хылаԥшра зырҭо аҭыԥқәа рахь ирҭахуп, 3% -шьамтәылатәи аиҳабыра рнапаҵаҟа иҟам аҭыԥқәа рахь ицар рҭахуп, 17% - ргәи-ргәи еилаԥшуеит", - ҳәа аҳәоит аҳәамҭа.
Шьамтәыла аҩныҵҟа бџьаршьҭыхлатәи аимак ахы акит 2011 шықәса рзы.
