Аҩӡба: аҵара анаҩс аус ахьиуа дазхәыцуазароуп ауаҩы
"Аԥсны акымкәа адипломқәа змоу иахьа аус руртә еиԥш аҭагылазаашьа рымам. Иҟоуп ззанааҭ ааныжьны даҽаџьара усура зҭахым. Урҭ руаӡәк, 13 шықәса раԥхьа аграфикатә дизаин азанааҭ ала ауниверситет иалгаз, ҳаицәажәараан иҳәеит Аԥсны аус иуртә аҭагылазаашьа шманшәалам, аха убри аан аԥара арҳаразы игәы иақәшәо аус каижьыр шиҭахым. Ус иҟоугьы ыҟоуп. Иҳәеит Аԥсны аусура изымԥшаар анҭыҵҟа дцарц игәы ишҭоу.
Иҟоуп убасгьы азанааҭ алхраан илакҩакуа ауаа. Ус еиԥш иҟоу Аԥсны иаҳа иахәо алырхыр еиӷьзар ҟалап. Иаҳҳәап, аиурист, аекономист изанааҭ змоу рацәаҩуп. Аҵара ануҵалак ашьҭахь аус ахьууша уазхәыцроуп", - ҳәа азгәеиҭеит Аҩӡба.
Шәазыӡырҩла арадио Sputnik Аԥсны аефир.
