Аԥснытәи аспортсменцәа зых иақәиҭу ақәԥараз Урыстәыла ачемпионат ахь инеит

Анапаҵаҩра
Ахацәа рыбжьара зых иақәиҭу ақәԥараз Урыстәыла Ацентртә федералтә округ ачемпионат мҩаԥысуан Воронеж, хәажәкыра 19-21 рзы.

АҞӘА, хәажәкыра 22 – Sputnik, Бадраҟ Аҩӡба. Ахацәа рыбжьара зых иақәиҭу ақәԥараз Урыстәыла ачемпионат аҿы аԥснытәи аспортсменцәа ирылшеит ахьтәы медалқәа ҩбеи раӡны медалки ргара. Абри атәы Sputnik иазеиҭеиҳәеит разыҟаҵаҩ Ҭемыр Џьопуа.

Аиндаҭларақәа реихшьаалала, 65 кьыла иҟоу рахь иаҵанакуа Осман Џьуӷьелиеи 61 кьыла иҟоу рахь иаҵанакуа Гьаргь Адлеибеи ахьтәы медалқәа ранашьахеит. 86 кьыла зыкапан наӡо рахь иаҵанакуа Асланбек Гәарамиа араӡны медал иоуит.

Даниел Гәымба зых иақәиҭу ақәԥаразы атурнир аҿы аҩбатәи аҭыԥ ааникылеит - Sputnik Аҧсны
Даниел Гәымба зых иақәиҭу ақәԥаразы атурнир аҿы аҩбатәи аҭыԥ ааникылеит

Азыҟаҵаҩ иажәақәа рыла, ҳаспортсменцәа 2019 шықәса ԥхынгәымзазы имҩаԥысраны иҟоу ахацәа рыбжьара зых иақәиҭу ақәԥараз Урыстәыла ачемпионат иалахәхоит.

"Асланбек Гәарамиа 2015 шықәса рзы адунеи дачемпионхеит. Георги Адлеиба ииасыз ашықәс азы Урыстәыла ачемпионат аҿы аҩбатәи аҭыԥ ааникылеит. Осман Џьуӷьелиагьы убас ақәыԥшцәа рыбжьара Урыстәыла дачемпионуп", - иҳәеит азыҟаҵаҩ, аспортсменцәа дрыхцәажәо.

Ахацәа рыбжьара зых иақәиҭу ақәԥараз Урыстәыла Ацентртә федералтә округ ачемпионат мҩаԥысуан Воронеж, хәажәкыра 19-21 рзы.

 

Ажәабжьқәа зегьы
0