Асҭамыр Ахба Аԥсны аотелиерцәа Ргильдиа ахадас далхуп

© Sputnik / Томас ТхайцукАсҭамыр Ахба
Асҭамыр Ахба - Sputnik Аҧсны
Анапаҵаҩра
НовостиTelegram
Агильдиа аԥҵан 2016 шықәса рзы Аԥсны Ахәаахәҭра-ааглыхратә палата ажәалагалала. Усҟан Агильдиа ахадас далхын Игор Жигун.

АҞӘА, хәажәкыра 29 – Sputnik, Бадраҟ Аҩӡба. Асҭамыр Ахба Аԥсны аотелиерцәа Ргильдиа ахадас далхуп ҳәа Sputnik иазаалыцҳаит Аԥсны Ахәаахәҭра-ааглыхратә палата атуризм азы аҟәша аиҳабы Инара Даурова.

"Азеиԥш еизараҿ ирыдкылан аӡбра уаанӡа Аԥсны акурортқәеи атуризми рзы аминистр ихаҭыԥуаҩыс иҟаз Асҭамыр Ахба икандидатура ықәҳаргыларц. Аԥсны аотелиерцәа Ргильдиа алахәылацәа зегьы Ахба икандидатура адгылара арҭеит", - ҳәа лҳәеит лара.

Асҭамыр Ахба икандидатура иазааҭгылан иара имоу аԥышәа ду ҵаҵӷәыс иҟаҵаны, атуризм аусхк аҿы иҟоу апроблемақәа ахьидыруа ҳәа лҳәоит Инара Даурова.

Аԥсны аотелиерцәа Ргильдиа иахьатәи аамҭазы иалахәуп ҩеижәа инареиҳаны ареспублика аотелие дуқәа. Агильдиа аԥҵан 2016 шықәса рзы Аԥсны Ахәаахәҭра-ааглыхратә палата ажәалагалала. Усҟан Агильдиа ахадас далхын Игор Жигун.

Асҭамыр Ахба диит 1985 шықәса рзы Гәдоуҭа араион Абгархықә ақыҭан. 2007 шықәса рзы ААУ аекономикатә факультет далгеит. 2007 - 2008 шықәсқәа рзы аррамаҵзура дахысуан. 2008 шықәса раахыс Аԥсны акурортқәеи атуризми рзы аҳәынҭеилакы аҿы еиуеиԥшым аҭыԥқәа никылон. 2012 шықәса рзы Аԥсны акурортқәеи атуризми рзы аҳәынҭеилакы (2015ш. инаркны – аминистрра) ахантәаҩы ихаҭыԥуаҩыс дҟаҵоуп. 2019 шықәса рзы хатәгәаԥхарала инапынҵақәа аанижьуеит.

Ажәабжьқәа зегьы
0