Ҷыҭанаа Кәыдрытәи аиҩхааҿы апарк аԥҵаразы: аҭыԥантәи аԥсабара ахьчара иацхраауеит
"Амилаҭтә парк аԥҵара ҳзазгәышьуаз, иҟаз аҭагылазаашьа арҽеиразы акәын. Аиҩхааҿы дыҟоуп аекологиа аҟнытә ҳхаҭарнак, аха аӡәы ихала абри зегьы илаԥш ахызааит ҳәа аҳәара иашам. Аиҩхааҿы аԥсабарахьчара иадҳәалоу азҵаарақәа шхьысҳау ҳаргьы иаадыруан. Аԥсыӡкраҿы, ашәарыцараҿы, абнаҭгараҿы азакәанқәа ирҳәо шеилагаз ҳдыруан. Абарҭ раԥыхразы ауп апарк аиҿкаара нап зарку. Наҟ-наҟ сақәгәыӷуеит, уаҟа иҟало хазы анапхгара, аусзуҩцәа, ахьчаҩцәа, абна ахылаԥшцәа рыбзоурала абарҭ иахьа излацәажәо аилагарақәа Кәыдрытәи аиҩхааҿы имаҷхап ҳәа", - азгәеиҭеит Ҷыҭанаа.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
