АҞӘА, мшаԥы 16 - Sputnik. Парижтәи Анцәа иан луахәама амца акит мшаԥы 15 ахәылбыҽха. Абылра иахҟьаны аҵәырмаԥси ахыби еилаҳаит, иблит асааҭ. Адгьылбжьаха Сит ахь анеира ԥкын. Уахь инарышьҭуаз ацхырааратә маҵзурақәа рмашьынақәа ракәын.
Larguer de l'eau sur #NotreDame de #Paris pour éteindre les flammes n'est pas une option car cela pourrait détruire la cathédrale, selon la Direction générale de la Sécurité civile
— Sputnik France (@sputnik_fr) 15 апреля 2019 г.
En savoir plus: https://t.co/R98Qmu0jWT pic.twitter.com/ltf3RPz0e5
Амцакра аҩаша ашаразы арцәара алдыршеит ҳәа аанацҳауеит РИА Новости.
Ауахәамаҿ ареставрациатә усурақәа мҩаԥысуан. Амцакра урҭ аусурақәа ирыдҳәалазар алшоит. Уажәы ашьақәыргылара иаҿуп уи мзызс иаиуз.
Амцарцәара иалахәын 400-ҩык рҟынӡа амцарцәаҩцәа. Ауахәама агәыцә аиқәырхара алыршахеит.
Амцарцәаратә вертолиотқәа рхархәара мап ацәкын, избанзар хыхьынтә иақәырҭәо аӡы амчхара иахҟьаны Нотр-Дам-де-Пари иҵегьы еиҳау ааха аиур ҟалоит ҳәа иԥхьаӡаны.
— Alexandre Fremont (@alex_fremont) 15 апреля 2019 г.
Ауахәама ахаҭарнак Андре Фино аҳәамҭа ҟаиҵеит ауахәамаҿ иҟаз иԥшьоу амаҭәарқәа аҵәахырҭаҿ иҟоуп, ԥырхага рмоуит ҳәа.
Аҭыжьымҭа Guardian иаҩуеит: "Франциа агәи Европа агәи амца ркызшәоуп ишаҳныруа" ҳәа.
"Аҵәырмаԥс анеилаҳа адунеи зегь еилаҳазшәа аабеит. Парижаа ҵәыуо иахәаԥшуан ртәыла асимвол. Иҵәыуоит адунеи зегьы", - аҩуеит аҭыжьымҭа Independent.
Америкатәи агазеҭ New York Times аҟны иазгәаҭоуп Нотр-Дам абылра Франциа аиԥш, адунеи зегьы агәырҩа азцәырнагеит ҳәа. Парижаа Сена иҽԥынгыланы, рылаӷырӡ рыкәаашо амца зкыз ауахәама иахәаԥшуан.
"Нотр-Дам Франциа амацара акәӡам, адунеи зегьы иабеиаран", - аҩуеит агазеҭ New York Post.
Атәылақәа реиҳабырақәаки атәылауааи ауахәама аиҭашьақәыргыларазы аԥареизгара хацдыркит. Убас, афранцыз миллиардер Франсуа-Анри Пино, аилахәыра Kering адиректор хада, амода аҩнқәа Gucci; Yves Saint Laurent 100 миллион евро ауахәама аиҭашьақәыргылара ишазынаишьҭуа иҳәеит.
Нотр-Дам-де-Пари – католикатә уахәамоуп, Париж агәҭа игылоуп, Франциа аҳҭнықалақь асимволқәа иреиуоуп.
