АҞӘА, мшаԥы 23 - Sputnik. Шри-Ланка амчрақәа абри аамҭала иааныркылеит 40-ҩык рҟынӡа ауааԥсыра, иҟалаз аԥжәарақәа ирыдҳәалоуп ҳәа ргәы иззаанаго. Абри атәы аанацҳауеит РИА Новости ателеканал News 1st адыррақәа ҵаҵӷәыс иҟаҵаны.
Иҭахаз рхыԥхьаӡара 310-ҩык рҟынӡа инаӡоит, 480-ҩык ахәрақәеи аахақәеи роуит.
Амҽышаҽны, Амшаԥ амш азы Шри-Ланка инеиқәырццак-еиқәырццакны аԥжәарақәа ааба аҭыԥ рыман. Аԥхьатәи аԥжәарақәа ҟалеит акатоликцәа руахәамақәа рҿы, егьырҭ ахԥа – асасааирҭақәа рҿы, егьырҭ аԥжәарақәа еиуеиԥшым аҭыԥқәа рҿы.
Аҭыԥантәи АИХ рдыррақәа рыла атерактқәа мҩаԥыргеит атеррорист-ҽшьыҩцәа.
