Аԥснытәи акоманда Арцахҟа инеит ConIFA-2019 алахәхаразы

© Foto / Федерация футбола Абхазии Аԥснытәи акоманда Арцахҟа инеиит ConIFA-2019 алахәхаразы
Аԥснытәи акоманда Арцахҟа инеиит ConIFA-2019 алахәхаразы - Sputnik Аҧсны
ConIFA аверсиала Европа ашьапылампыл азы ачемпионат аадыртуеит рашәара 1 азы ареспублика Арцах (Ашьха Ҟарабах – аред.), афинал мҩаԥгахоит Степанакерт рашәара 9 рзы. Рашәара 2 рзы Аԥсни Чамериеи реицыхәмарра мҩаԥысуеит.

АҞӘА, лаҵара 30 – Sputnik, Бадраҟ Аҩӡба. Аԥснытәи ашьапылампылтә команда Арцахҟа инеиит ConIFA-2019 алахәхаразы ҳәа ааицҳауеит ашьапылампыл азы Аԥсны Афедерациа апресс-маӡаныҟәгаҩ Алхас Манаргиа.

Ашьапылампыл азы Аԥсны еизгоу амилаҭтә команда - Sputnik Аҧсны
Ашьапылампыл азы амилаҭтә команда аилазаара еиҿкаауп

"Арцахтәи аамҭала асааҭ 11 рзы Аԥснытәи акоманда Степанакерт иааит. Ҳара арахь Ереванынтәи ҳааит. Аҳаиртә баӷәазаҿы раԥхьа ҳалаԥш зықәшәаз иреиуоуп ConIFA аверсиала Европа ашьапылампыл азы ачемпионат аадыртуеит рашәара 1 азы ареспублика Арцах афинал мҩаԥгахоит Степанакерт рашәара 9 рзы ҳәа зныз аҩыра дуқәа", - иҳәоит иара.

Аҳаиртә баӷәазаҿы аԥснытәи акоманда ирԥылеит ачемпионат аиҿкааҩцәа.

"Ереванынтәи Степанакертнӡа быжьсааҭк амҩа ҳақәын, ашьха мҩақәа ҳарҿысуан. Иазгәаҭатәуп даара гәаартыла ишаҳԥылаз. Шьыжьхьа ҳҿарҵеит амҩан, аха уи шьыжьхьа аасҭа иааинырслаз абанкет еиԥшын", - иҳәоит Манаргиа.

Степанакерт ҳаналалоз ҳкоманда аҭыԥантәи ачеиџьыка рыманы иаҳԥылеит.

© Foto / Федерация футбола Абхазии Аԥснытәи акоманда Арцахҟа инеиит ConIFA-2019 алахәхаразы
Аԥснытәи акоманда Арцахҟа инеит ConIFA-2019 алахәхаразы - Sputnik Аҧсны
Аԥснытәи акоманда Арцахҟа инеиит ConIFA-2019 алахәхаразы

"Ҳаиԥылара еиуеиԥшым агаджетқәа рыла иҭырхуан. Шәаҳәаран, кәашаран. Нас ҳара асасааирҭахь ҳнаргеит. Акоманда иахьа рыԥсы ршьоит, уаҵәи уаҵәашьҭахьи аҽазыҟаҵарақәа мҩаԥыргоит. Рашәара 2 рзы раԥхьатәи рыхәмарра мҩаԥысуеит", - иҳәоит иара.

Аԥсны еизгоу акоманда ConIFA-2019 рҽазыҟарҵоит - Sputnik Аҧсны
Европаҟа зымҩа хоу: Аԥсны еизгоу акоманда ConIFA-2019 рҽазыҟарҵоит

Ареспублика Арцах аҭҵаарадырреи, аҵареи, аспорти рминистр ихаҭыԥуаҩ Ашот Даниелиан атурнир аиҿкаара атәы далацәажәеит.

"Астадионқәа зегьы жәларбжьаратәи астандартқәа ирықәшәо еиҿкаауп. Аԥсныи Арцахи ркомандақәа еицыхәмаруеит, сақәгәыӷуеит урҭ афинал аҿгьы еиқәшәап ҳәа", - иҳәоит иара.

Агәыԥ "А" иаҵанакуеит: Аԥсны, Чамериа (Албаниа), Сапми (Лапландиа), Арцах. Агәыԥ "Б": Паданиа (Италиа), Секеитәи атәылаҿацә (Румыниа), Мраҭашәаратәи Ермантәыла (Ҭырқәтәыла), Аахыҵ Уаԥстәыла.

© Foto / Федерация футбола Абхазии Аԥснытәи акоманда Арцахҟа инеиит ConIFA-2019 алахәхаразы
Аԥснытәи акоманда Арцахҟа инеит ConIFA-2019 алахәхаразы - Sputnik Аҧсны
Аԥснытәи акоманда Арцахҟа инеиит ConIFA-2019 алахәхаразы

ConIFA аверсиала Европа ашьапылампыл азы ачемпионат аадыртуеит рашәара 1 азы ареспублика Арцах афинал мҩаԥгахоит Степанакерт рашәара 9 рзы.

Аԥснытәи акоманда аилазаараҿ иҟоуп: амбахьчаҩцәа - Инал Қацәба, Илиа Шьчерба, ахьчаҩцәа - Лев Ҭарба, Георги Жанаа, Лев Бабурин, Асҭамыр Ҵышәба, ахьчаҩбжацәа - Ҭемыр Агрба, Шабаҭ Логәуа, Тарас Ҳагба, Гига Бениӡе, Виктор Ԥимԥиа, Даур Ҷанба, Ака Званбаиа, Алан Хугаев, Даниил Чрыгба, Гәдиса Смыр, Роман Зикрач, ажәылаҩцәа - Дмитри Маскаев, Рамин Барцыц, Данило Арӡынба.

Уаанӡатәи адыррақәа рыла Ницца, Сардиниа, ДЖәР, ЛЖәР ркомандақәа ачемпионат изалахәхом.

ConIFA шьаҭаркын рашәара 7 2013 шықәса рзы. Еиднакылоит FIFA иалам ашьапылампылтә командақәа.

 

Ажәабжьқәа зегьы
0
Раԥхьа аҿыцқәаРаԥхьа ажәытәқәа
loader
АЕФИР АҾЫ
Заголовок открываемого материала
Жәларбжьаратәи
InternationalEnglishАнглыз бызшәаMundoEspañolАиспан бызшәа
Европа
DeutschlandDeutschАнемец бызшәаFranceFrançaisАфранцыз бызшәаΕλλάδαΕλληνικάАбырзен бызшәаItaliaItalianoАиталиа бызшәаČeská republikaČeštinaАчех бызшәаPolskaPolskiАполиак бызшәаСрбиjаСрпскиАсерб бызшәаLatvijaLatviešuАлатыш бызшәаLietuvaLietuviųАлитва бызшәаMoldovaMoldoveneascăАмолдав бызшәаБеларусьБеларускiАбелорус бызшәа
Алада Кавказ
ԱրմենիաՀայերենАерман бызшәаАҧсныАҧсышәалаАԥсуа бызшәаХуссар ИрыстонИронауАуаԥс бызшәаAzərbaycanАzərbaycancaАзербаиџьан бызшәа
Ааигәа Мрагылара
Sputnik عربيArabicАраб бызшәаTürkiyeTürkçeАҭырқә бызшәаSputnik ایرانPersianФарсиSputnik افغانستانDariДари
Агәҭантәи Азиа
ҚазақстанҚазақ тіліАҟазах бызшәаКыргызстанКыргызчаАҟырӷыз бызшәаOʻzbekistonЎзбекчаАузбек бызшәаТоҷикистонТоҷикӣАҭаџьықь бызшәа
Мрагыларатәии Алада-Мрагыларатәи Азиа
Việt NamTiếng ViệtАвиетнам бызшәа日本日本語Аиапон бызшәа中国中文Акитаи бызшәа
Алада Америка
BrasilPortuguêsАпортугал бызшәа