АҞӘА, рашәара 11 – Sputnik. Иорданиеи Ливани рҟынтәи ахҵәацәа рыԥсадгьыл ахь ихынҳәит. Аушьҭырҭатә ҭыԥқәа "Джейдет-Ябус", "Телль-Калах", "Насиб" ирхысит 986 –ҩык ауааԥсыра ҳәа аанацҳауеит РИА Новости.
Иара убасгьы иазгәаҭоуп Дамаск апровинциа Кабр-Ес-Сит аҟны урыстәылатәи аган агуманитартә акциа шымҩаԥнагаз, еиҳа зымчхара ԥку аҭаацәарақәа ҩ-нызқьи 18 тонна афатә-ажәтә шрыҭаз.
Шьамтәыла анџьныртә арҟәшақәа аҵыхәтәантәи аамҭазы аминақәа рҟынтәи рхы иақәиҭыртәит апровинциа Дераа аҿы ҩ-гектарк адгьыл.
Шьамтәыла, бџьаршьҭыхлатәи аиҿагылара мҩаԥысуеит 2011 шықәса раахыс 2017 шықәса анҵәамҭазы ирылаҳәан атеррористтә гәыԥ ИГИЛ ишаиааиу азы.
Иахьатәи аамҭазы аполитикатә ҭышәынтәалара , атәыла аиҭашьақәыргылара, ахҵәацәа рырхынҳәра иаҿуп.
