АҞӘА, рашәара 23 — Sputnik. Пентагон адырра ҟанаҵеит Мрагылара Ааигәахь инанашьҭраны иҟоу ар реилазаара цҵа ахыхьчара ишазку, уи ала урыстәылатәи аполитикцәа рҭак шыҟанаҵо.
Пентагон европатәи аҟәша ауаажәларра рнырразы ахәҭа аподполковник Карла Глисон лышәҟәы ацыԥҵәахаҿ иазгәаҭоуп: Вашингтон Мрагылара Ааигәаҿы ахымҩаԥгашьа провокациам, хыхьчароуп. Аҳауаҿ, адгьыл аҿы, амшын аҿы ашәарҭарақәа раԥырҟәҟәаароуп изызку ҳәа.
Глисон иара убасгьы илҳәоит Урыстәыла адунеи еиҿкаара аԥсахра агәҭакуп ҳәа. Убри аан Москва ахара адылҵоит Мрагылара ааигәа иахьаҵанакуа анырра арҭбаауеит ҳәа.
Глисон иара убасгьы илҳәеит арегион Вашингтон азы аҵакы аманы иҟоуп, убри азы Пентагон амчрақәа реиҟарара шьақәнаргылоит ҳәа.
Аҵыхәтәантәи аамҭақәа рзы ЕААи Ирани реизыҟазаашьақәа акыр еибарххоуп. Америкатәи амчрақәа асанкциақәа аларгалеит Иран аекономика аганахьала. Вашингтон ахымҩаԥгашьа аҭакс Иран аҳәамҭа ҟанаҵеит ЕАА "атерроризм иаспонсору ҳәынҭқарроуп" ҳәа.
