Ахыцуаҩ Баҭал Ҳашба иажәақәа рыла, ари аидеиа изцәырҵит Аԥсны Аҵареи аҭҵаарадырреи рминистр Адгәыр Какоба телехәаԥшрала ари абџьар хкы иазкыз ицәажәара даназыӡырҩы. Баҭал инапы злеикыз аус анагӡараан даараӡа дымҩақәнаҵеит аинтернет аҟны ииԥшааз аинформациа. Иара ахыци ахәымпали рыҟаҵара аус ахаҭахьы диасаанӡа, раԥхьа иҭиҵааит уи аҭоурых, еиуеиԥшым аҳәаанырцәтәи аҳәынҭқаррақәа рҟны уи ахархәара шамаз, насгьы иахьатәи аамҭазы ҭыԥс иннакыло уҳәа.
Адыӷаҷеи аҽҵыхәеи: Баҭал Ҳашба еиҭеиҳәеит аԥсуа хыци ахәымпали рҷыдарақәа
15:20 05.07.2019 (ирҿыцуп: 17:18 05.07.2019)
© Sputnik / Акоп Кущян
Анапаҵаҩра
Владимир Ԥачлиа ихьӡ зху 1-тәи абжьаратә школ аҟны абаҩрҵәыра арҵаҩыс аус зуа Баҭал Ҳашба аԥсуа хыци ахәымпали рыҟаҵара напаиркит шықәсқәак раԥхьа.
