АҞӘА, ԥхынгәы 9– Sputnik. Великобританиа арра-ҳаиртә мчрақәа рыԥшыхәратә ҳаирплан Урыстәыла амшынеиқәатә ҵакыра ааигәара аԥшыхәра мҩаԥнагон ҳәа аанацҳауеит амониторингтә ресурс Plane Radar.
05:20 мск.
— PlaneRadar (@ua4wiy_) 9 июля 2019 г.
Самолёт радиоэлектронной разведки, ВВС Великобритании🇬🇧, бортовой номер #ZJ694 , #Bombardier Global Express #Sentinel R.1, позывной #RRR7308, совершает разведывательный полёт вдоль черноморского побережья России🇷🇺.#RAF pic.twitter.com/4dEuhYWNi1
Апортал адыррала, арадиоԥшыхәыҩ Bombardier Global Express Sentinel R.1 (аборттә номер ZJ694 RRR7308) Новороссииск иахагьыжьит амшынцәаҳәаҟынтә 61,3 километр бжьаны.
Асааҭ 07:50 рзы аҳаирплан Севастополь араион иахыԥрааит амшынцәаҳәаҟынтә 100 километр бжьаны. Абри ашьҭахь иара ахьышьҭыԥрааз абаӷәазахь ихынҳәит.
Аҵыхәтәантәи аамҭақәа рзы Урыстәыла аҵакыра ааигәара асеиԥш иҟоу аҳаирплан-ԥшыхәцәа рбо иалагеит.
2018 шықәса иалагӡаны арадио-техникатә ар иҭарыԥшыхәхьеит 980 нызқь аппарат. Урҭ рҟынтәи х-нызқь рҟынӡа аҳаирплан-ԥшыхәцәа роуп.
Урыстәыла атәылахьчара аминистрра НАТО атәылақәа рахь ааԥхьара ҟанаҵоит аԥшыхәратә операциақәа рымҩаԥгара мап ацәыркырц, аха алианс аштаб-квартираҿ уи зхьаԥшра арҭом.
