Гиви Смыр игәалашәара иазку ашьапылампыл азы атурнир аатит Афон Ҿыц

© Sputnik / Алексей Филиппов / Афотобанк ахь аиасра ашьапылампыл азы атурнир ото.
 ашьапылампыл азы атурнир ото. - Sputnik Аҧсны
Анапаҵаҩра
Yandex newsTelegram
Гиви Смыр игәалашәара иазку ашьапылампыл азы Жәларбжьаратәи атурнир аатит Афон Ҿыц. Жәларбжьаратәи атурнир иалахәуп 16 команда: Аԥсны, Урыстәыла, ЛЖәР, ДЖәР рҟынтәи.

АҞӘА, ԥхынгәы 29 – Sputnik, Бадраҟ Аҩӡба. Гиви Смыр игәалашәара иазку ашьапылампыл азы Жәларбжьаратәи атурнир аатит Афон Ҿыц ҳәа Sputnik иазеиҭеиҳәеит ашьапылампылтә команда "Афон" азыҟаҵаҩ хада Армен Капикиан.

"Аиндаҭлара иалагаанӡа акомандақәа Аԥсныҟа иааиит. Ара аҽазыҟаҵарақәа мҩаԥыргеит", - иҳәоит Капикиан.

Гиви Смыр игәалашәара иазку атурнир мҩаԥгахоит Афон Ҿыц - Sputnik Аҧсны
Гиви Смыр игәалашәара иазку атурнир мҩаԥгахоит Афон Ҿыц

Атурниртә хәмаррақәа рыдагьы аиҿкааҩцәа еиҿыркааит аекскурсиатә программақәа атурнир алахәылацәа рзы.

"Ҳәарада аекскурсиақәа хәыда-ԥсада имҩаԥаагоит. Ара ирбаша рацәоуп", - иҳәоит азыҟаҵаҩ хада.

Атурнир иалахәуп 2008-2009 шықәсқәа рзы ииз аспортсменцәа. Жәларбжьаратәи атурнир иалахәуп 16 команда: Аԥсны, Урыстәыла, ЛЖәР, ДЖәР рҟынтәи.

"Зынӡа ԥшь-гәыԥк ҟалоит. Афиналқәа ҩба ҟалоит. Акомандақәа ԥшьба афиналбжаҿы инеины "ахьы" азы еиндаҭлоит, егьырҭ аԥшьба. Афиналбжаҿынӡа изымнеиз – "аразны" азы еиндаҭлоит. Асеиԥш иҳаӡбеит ахәыҷқәа рзы еиҳа аинтерес аҵаларц", - иҳәеит Капикиан.

Гиви Смыр игәалашәара иазку ашьапылампыл азы III атурнир Аԥсны, Урыстәыла, ДЖәР, ЛЖәР ркомандақәа 16 алархәны имҩаԥгахоит Афон ԥхынгәы 28 инаркны нанҳәа 1 аҟынӡа.

Иара убас шәаԥхьар ҟалоит:

 

Ажәабжьқәа зегьы
0