"Ҳарҵаҩы аудиториа дыҩналаны Лондонҟа аҵаразы алшара шәымоуп ҳәа анҳалҳәа ихаҳамҵеит. Иаадыруан уи аус ауадаҩрақәа шацыз, аха ас еиԥш алшара ҳаҩшәар ауамызт. Раԥхьа иргыланы ҳара авиза акәын ҳзызхәыцуаз, уи анҳаулак аԥарақәа ҳрышьҭалар акәын. Оксфорд ҳара иҳаман алшара азакәанҭҵаареи жәларбжьаратәи аизыҟазаашьақәеи аекономикеи рҵара. Дара ишьақәдыргылеит абри аҩыза апрограмма ашьыжь ааба инаркны жәабанӡа иҳаман еиуеиԥшым ахәмаррақәа, алекциақәа. Анаҩс еиҭа имҩаԥысуан астудентцәеи арҵаҩцәеи реиҿцәажәара. Уи нахыс ҳаргон амузеиқәа рахь, иаҳдырбеит Лондон. Сара еилыскааит атәым бызшәақәа рҵара шаҟа ихадоу, усҟан уара иоуеит алшара атәым ҳәынҭқаррақәа рҿы аҵара ҵара", - ҳәа азгәалҭеит Касланӡиаԥҳа.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
