АҞӘА, цәыббра 2 - Sputnik, Бадри Есиава. Апрофессионалтә балалаикарҳәаҩ, х-инструментк рыла аамҭакала ихәмаруа Андреи Кириаков иконцертқәа Аԥсны имҩаԥысраны иҟоуп ҳәа Sputnik иазеиҭеиҳәеит Аԥсны иҟоу "Россотрудничество" аконсультант Дмитри Кононов.
"Андреи Кириаков иконцерт еиҳарак аҿар ирзырхоуп. Х-инструментк рҿы аамҭакала ихәмарра адагьы, иара арок композициақәеи ҳаамҭазтәи амузыкеи аирҳәоит", - иҳәеит Кононов.
"Россотрудничество" аконсультант Дмитри Кононов агәаанагара имоуп апублика зқәымгәыӷуа аҳамҭа - аԥсуа мелодиақәа - рзыӡырыҩраз алшара роур ҟалоит ҳәа.
Аконцертқәа еиҿнакааит арегионалтә уаажәларратә еилазаара "Евразийский народный союз" Аԥсны иҟоу "Россотрудничество" адгыларала. Кононов иажәақәа рыла, Андреи Кириаков – абалалаика хкқәа ԥшьба - прима, електро, альт, контрабас рарҳәара зылшо амузыкантцәа рахьтә иара аӡә заҵәык иоуп иҟоу Урыстәыла.
Апроект хықәкыс иамоуп аԥсуа зыӡырҩы аурыс милаҭтә инструмент ирдырра.
Иара убас шәаԥхьар ҟалоит:
-
Пицунда иазыԥшуп "Ауарӷантә хәылԥазқәа" захьӡу амузыкатә афестиваль
