АҞӘА, цәыббра 3 – Sputnik, Асмаҭ Ҵәыџьԥҳа. Урыстәылатәи заанаҵтәи анхараҭа аҿаҵара Tvil.ru Гагра ареспубликаҿы зегь раасҭа ауаа зҭаауа курортуп ҳәа ахырҳәааит, аха аҭыԥантәи асасааирҭатә консалтинг MaltsevaPro аҿы уи иашамкәа иахәаԥшуеит. Дара ргәаанагарала, Пицунда аԥыжәара амоуп.
Акурорттә сервис Tvil.ru ареитинг шьаҭас иамоуп нанҳәа 1-31 рзы заанаҵтәи анхарҭаҿаҵарақәа.
Асасааирҭатә консалтинг MaltsevaPro аконсультант Мариа Мальцева лажәақәа рыла рыла, Tvil.ru ареспубликаҿ аԥхынтә сезон аихшьаалақәа рымҩаԥгаразы иазхо аҵаҵӷәқәа амам.
"Асервис астатистикахь иаҵанакуа дара рыцхыраарала анхарҭаҿаҵақәа мҩаԥызго ауаа роуп. Убри аан еизгатәуп аҭирҭақәа зегьы рыстатистика. Астатистика зеиԥштәызар, уи аҽакын", - лҳәоит лара.
Аконсалтингтә еилахәыра MaltsevaPro Аԥсны арегионқәа зегьы рҿы асасааирҭатә консультантцәа аус рыцнауеит. Мальцева лажәақәа рыла, дара иеизыргаз аинформациала, Пицунда ақалақь ауп атуристцәа еиҳа изҭаауа.
"Пицунда еиҳа иргәаԥхоит ахәқәа рылаҟәра, амшын ацқьара, аԥслымӡтә плиаж рыла", - лҳәоит лара.
Мальцева лгәаанагарала, зегь раасҭа зыхә ҳараку курортны иушьартә иҟоуп Гагра. Уи мзызс иамоуп асасааирҭақәеи аотельқәеи рхаҭабзиара еиҳа аҳаракыроуп.
"Уи адагьы, Гагра ҭыԥла еиҳа иманшәалоуп - аҳәаа иазааигәоуп, асасааирҭақәа реиҳарак амшын иаԥнуп. Уи адагьы ара аҳауа аионқәа рацәаны иалоуп", - лҳәоит асасааирҭатә консультант.
Аԥсны Акурортқәеи атуризми рминистрра адыррақәа рыла, 2019 шықәса нанҳәа 20 рзынӡа асасааирҭақәеи аотельқәеи рҿы рыԥсы ршьеит 250 000-ҩык атуристцәа.
Иара убас шәаԥхьар ҟалоит:
-
Мықәба еиҭеиҳәеит аԥхынтәи акурорттә аамҭа зеиԥшраз
