АҞӘА, цәыббра 8 – Sputnik. Черқьесск ақалақь аҿы алхырҭатә ҭыԥ аҭыӡҭа рыԥсахит. Иахьа абжьыҭира мҩаԥысуеит Киров иашҭа,5 аҟны ҳәа ааицҳауеит алхырҭатә ҭыԥ акомиссиа ахантәаҩы Заур Коблахов.
"Аҭыӡҭыԥ ԥсаххеит избанзар уаанӡа абжьыҭира ахьымҩаԥысуаз аҭыԥ аҿы иахь имҩаԥысуеит аҭыԥантәи ахаланапхгараҭаратә алхрақәа", - иҳәоит Коблахов.
Иара иажәақәа рыла алхрақәа мҩаԥысуеит зинеилагарада.
"Зегь ҭынчраӡа иҟоуп. Уаанӡатәи атур аан аасҭа ауаа ааиуеит. Аинформациа АКХ ирыланаҳәараны иҟоуп. Зыбжьы зҭиуа зегьы ашәҟәы иҭаагалоит", - иҳәоит Заур Коблахов.
Алхрақәа актәи ртур мҩаԥысуан нанҳәа 25 рзы. Аԥсны иахьаҵанакуа иаартын 152 алхырҭатә ҭыԥ. Иара убасгьы абжьыҭара мҩаԥысуан Москвеи Черқьесски.
Аҩбатәи атур ахь инеиит Рауль Ҳаџьымбеи - 24,83%, Алхас Кәыҵниеи - 22,91%.
